Day 1-4 住:曼谷某酒店免費
今次去埃及,係同上次去希臘時一樣取道曼谷
轉機,不過呢次所坐既"埃及航空"就麻煩啦!
由於機件故障,無法搶修,而埃航每星期只有兩
班前往開羅...所以全機滯留曼谷!
對於我呢個第一次一個人去旅行,英文又唔好
既人黎講,係一個極大既考驗!
於是d客人同航空公司職員係登機閘口擾攘左起碼有個多
兩個小時,期間由於太混亂,況且我英文差,只係
識聽"Delay"個字,不過好彩徐左有幾團台灣
團外,仲有一團X怡假期既香港團陪我,我偷聽
香港個導遊講話可能要等一兩日,但航空公司
包食宿! 於是人行我又行,最後同一個日本人
Nori一間房,佢都係一個人,經埃及去希臘搵朋
友;Dalay期間他在曼谷工作的朋友還揸車兜
埋我去曼谷市中心逛街,仲得到佢豐富既款待
tim~ 簡直係中日文化交流呀!
我就無所謂,返正又多假期,酒店又幾好,不過跟
團o個d人就慘lu...正當我係酒店lobby睇報紙
時,金X假期既團就係我隔離開會,原來佢地係
十天團,delay左要追返d行程好趕,可能只得幾
日玩;由於最終都係坐返呢架機去開羅,有d人
因為心理因素問題,就要求退團,不過無得退錢
之餘仲要補錢改機票等費用,攪到個個都垂頭
喪氣...
最後係第三日既朝早終於可以起飛lu~
香港去曼谷o個程我係搭CX架~
同房既日本朋友Nori
係飛機上影到既杜拜人工島
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
