相隔左4年再寫返既遊記,有幾樣野覺得有好大感覺! 最大感覺就係物價! 呢4年間我既旅行仍然繼續,
最近亦再踏足歐洲,呢篇08年既馬耳他+突尼西亞,當時香港食個午餐都只係$20有找,晚餐大約都係$30,比較返當年既歐洲當然吓吓都十歐八歐當然平好多啦! 攪到我寫呢篇遊記時,回憶返好似樣樣都唔捨得食咁!
4年後既2012年,歐洲既物價仍然停留係08年,好似早前去完英國,入餐廳好多都係十鎊八鎊,相反香港食個最平午餐閒閒地已去到$3,4十蚊啦! 所以剛去完英國等地唔使再唔捨得食啦~
我還記得今個旅程買機票前,竟然係唔記得左嫲嫲既生日...攪到要同全世界人夾埋,話我呢段時間要返工好忙食唔到生日飯,仲要夾埋話電話都唔得閒聽Tim! 係嫲嫲既眼中,最錫既就係我,一路以來,習慣左每日都打過比我至安落,雖然每日打黎都係問來問去都三覆屁,如返幾點呀?食左飯未呀?拍拖未呀?
尤其係旅途中,親戚們已幫我講明我係唔會聽電話,但途中仍然差不多每日都打比我... 當時真係覺得有點煩...
不過依家想比嫲嫲煩吓都無啦! 相隔左咁多年先再寫返既遊記,已經無左嫲嫲Lu...
同唔到嫲嫲食生日飯,係途中又無掛住一直都身體健康唔使擔心既嫲嫲,旅途中及返來後都無乜特別既感覺,不過當幾年後寫返呢篇遊記,無左嫲嫲既呢一刻,感到是一種遺憾,感到愛得太遲...
旅程結束第一個到達候機室,係我從來未試過既! 旅程既完結亦都從未如此其待過,因為當年剛剛再次投入一段新既感情,之所以話旅行都要講Timing架! 雖然最後都分開了... 所以亦都係我唔好再拖,要完結呢篇遊記既原因!
另外,我發覺用太多時間去一小部份既地方不太適合我,太多時間反而太懶度度都唔想去;當年我剛置業,買了屯門望海景既單位,蝴蝶灣咁近都唔去,係馬耳他就日日去,自己屋企個景咁靚,反而馬耳他就係無靚景既酒店日日無所事事,真係覺得有點嘥錢同浪費左個旅程! 呢D日子我覺得係行程中久唔久架插一日就最Fit勒!
之前都講過,今個旅程係我自己既一個大膽突破,就係完全無plainning,突尼西亞既資料甚至完全係無Tim,由於當時Wifi未普及,我去到邊問到邊,就好似我都唔知撒哈拉沙漠就係南部一樣,要係機場書店睇地圖才知; 一出機場亦都唔知去邊搭車落南部,又靠熱心人士幫忙雞同鴨講身體語言才識點去! 呢個連自己都唔知下一刻發生乜野事既旅行方式都幾得意~ 不知不覺已經愛上了,與其出發前plan定幾點搭邊班車,幾點又去乜景點,一切都安排妥當,反而我覺得都唔及去到先慢慢發掘咁有滿足感,而且仲隨時遇到意想不到既事Tim~
完全無plainning,或去到當地先一邊玩一邊搵資料,係我往後既主要旅遊方式,況且依家Wifi咁普及,真係一D難度都無呀! 我鍾終於明白一個旅遊界有名既人話,現今科技發達,唔使吓吓都話”勇闖呢度勇闖果度”,只要買張機票就得勒!
突尼西亞
