Day 16 藍洞(馬耳他Blue Grotto)

由新銀仔於 2012-12-11 00:00:00 發表 | 累積瀏覽 399

分類：

(Day 16) 2008-10-18住宿：Gorgianis Hotel

行程：St.Greoge Bay --> Blue Grotto(藍洞)> St. Greoge Bay

返來馬耳他,只係第一日去左藍湖Blue Lagoon,之後就日日無所事事,遲遲未去既另一個藍Blue Grotto(藍洞),就決定今日去!

起身食飽早餐後,就出發前往Blue Grotto! 之前有個意大利人話有一套出名既戲都係Blue Grotto取景架! 一於等我去睇吓有乜咁特別先~ (後期上網查反原來就係木馬屠城記)

又係要去首都Valletta轉車,由Valletta去Blue Grotta,巴士收費€1.6

等候巴士期間,又有人向我問路,今次已經係係馬耳他第4次啦~ 唔通我真係咁似住係馬耳他???

另外已經係無數次比人問我係咪黎讀書,乜我又真係咁似學生??? 又難怪既...因為馬耳他有好多學英文既學校,是一個熱門遊學學英文既國家~

由首都坐巴士去Blue Grotto,要係中途站落車,由山上往下行,行到海邊就有一個售票處買票去Blue Gtotto

€7

坐既係有D似之前Marsaxlokk見到既艇仔,穿好救生衣就出發啦~

沿途不停見到被海水浸蝕過既岩石,無耐就去到Blue Grotto啦~ 艇仔駛入洞內,係陰暗既環境下,只需有些微既陽光,穿越岩石射向的水面,就會見到清澈見底,李斯得林咁藍既海水啦! 真神奇! 其中一個女遊客,仲有備而來要係Blue Grotto感受一番tim! 一脫外衣,一個三點色比堅尼女郎濮通一聲就跳左落Blue Grotto 既懷抱啦~

到Blue Grotto啦~

坐完艇仔近距離睇完Blue Grotto,回程時就係山上高地遠距離欣賞; 我本人覺得遠距離欣賞既Blue Grotto更美更動人,果然名不虛傳!

Blue Grotto附近小村

遠觀Blue Grotto

離開Blue Grotto,我無選擇即時搭車回程,而繼續沿山上既大路向前行,於荒郊地方一直向前行,大約行左差不多一小時,就去到一個村莊,係人地既一個後園休息一陣,仲比我痴到Wifi玩左陣Tim~ 休息完就搭巴士回程Lu~

回程時見到既馬車比賽~

回程又回到必經既小首都Valletta,買左樣手信,就係我之前緣慳一面既藍視窗Azure Window既畫,出旅行都係第一次買畫咋!

另外就係最重要既寄出Post Card勒! 就係呢個另人懷念既殖民地色彩郵筒,寄出我去左咁多個地方既第二張Post Card!

點解呢個世界好多地方,都對呢D已成歷史既事物好好保存呢? 其他地方唔講,淨係講馬耳他,雖然已獨立多年,呢D殖民地色彩既郵筒,電話亭仍得到好好保存,是馬耳他既一個特色,見到好多遊客都拍照留念,當然包括我啦! 我有番咁上下年紀,也不禁凝望呢D集體回憶來懷緬一番呢~ 懷緬過去,常陶醉 一半樂事 一半另人流淚...