２００６－１０－４ Day 5 晴
地點:克羅地亞Dubrovnik
住:B&B Euro$10
唉．．．
因為尋日覺得比屋主欺騙
所以今日一早便同佢鬧交！
話說尋日一早落船
佢就向我"touting"，
又話Double room Euro$17一晚，
點知晏晝行完街返黎
間房竟然多左件行李，
一問之下佢竟然話隔離床租左比人，
真係嬲！![]()
其實我都唔介意，
佢只要係租比我果陣講清楚就得ｌａｗ．．．
之後就租左半山既B&B，
反正今晚中秋，方便賞月！
我在半山的住宿
================================
安頓一切後
便立即去期待已久的古城區，
今日陽光普照，
果然係希望在明天！![]()
古城太靚啦！！！要睇”青見”景梗係要上城牆啦～ 城牆
收費Euro$12
古城的美景
咁靚既景梗係要坐底”嘆”吓啦～呢個位我"部"左好耐架！
清澈見底既海，仲好多人天體ｔｉｍ～
古城區全景，要honeymoon既人都可以考慮吓架～
最新款既Benz呢度都係用來做的士咋！
歐洲既巴士係用呢部機來打票，仲有八達通功能架～邊個話呢度落後！！！
＝＝＝＝＝＝＝＝＝＝＝＝＝＝＝＝＝
去完古城,突然有個賞月既唸頭...
因為今晚中秋ma~
而且住在半山又有個大露台,
當然唔可以浪費啦!
於是我去超級市場買左包餅
同一支細支裝既紅酒
(需然我不僅品嚐紅酒),
係歐洲既紅酒是很便宜的,
可能係出產地既關係吧!
到了晚上,
我取出所有賞月食物準備賞月,
包括一支水,一支紅酒,一包餅
及一個在香港臨出發前
家人給我的傳統食物..."月餅",
呢個月餅我專程留到今日才食架~
其實我咁大個仔
都係第一次真真正正係中秋賞月咋~
(細個時通常都係煲吓臘同玩吓臘祝)
當一個人既時候,
就好似廣告話要自己尋找樂趣啦!
不過我通常會係外國
先會做d係香港唔會做既事!
賞月的部份食物,呢支紅酒約港幣$10 ,當然有月餅啦~
只有我一個人用的大露台
月亮終於出現啦!!!
因為有個後山阻隔,
所以等左好耐先見到月光,
不過最後欣賞左十幾分鐘就瞓覺lu~
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
