2006-10-2 仍是Day 1
住：羅馬Termini火車站附近的B&B Euro$25
—到左多哈機場係當地時間5點鐘,仲要等幾粒鐘先上機呀~緊係第一時間走左入間瞓覺房度瞓啦~
瞓醒好肚餓,於是食早餐,由於我無卡塔爾幣,只好用歐羅la…用左十蚊歐羅找返廿幾蚊卡塔爾幣,食完後唸住去找換店la,我沿指示行
![]()
搵極都揾唔到,原來一問之下竟然無找換店!?…堂堂機場無找換店! 明明指示牌有woo…唉…算啦,唸住買枝筆用,點知又無…唉…唯有等我回程再買…我相信呢個機場年中都賺唔少!
終於係當地時間1900到左羅馬la~班機又delay左個幾鐘,到步已經係黃昏,因為太夜又未揾住宿,唯有比特快火車賺la…搭30min要成euro11…簡直好似香港既機場快線咁掠水呀!
到左市中心已經8點半,最初仲唸住夜遊許願池同西班牙廣場tim…依家咁唯有急急腳咁去揾地方落腳la,開頭搵到間由華人經營既旅館一間房€50一晚,梗係覺得貴la~於是再去揾...點知仲衰,好多都要成€70-80一晚,嘩!挪命咩…仲要好多都full 左tim,咪唸住去返開頭o個間law…點知比我發現又有一間由華人經營的B&B一晚€25咋,一個人都無乜要求啦~最後仲同佢講價€45兩晚tim!
![]()
因為時差,原來依家仲係10月2號咋…
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
