續(Day 22) 2009-07-13
住宿 :真正民宿哈薩克族家庭
行程 :Karkara Village
幾經轉折，搵到個有瓦摭頭後，就開始了解呢個好心收留我地既家庭。
原來呢個家庭係哈薩克族，本來住係新疆，後來舉家搬黎哈薩克已經五年啦~ 佢話呢度先係佢個家woo! 仲話依家新疆暴亂係D維吾爾族，唔係佢地哈薩克族呀...
無耐我地就跟左幾個男人落田”幹活"呀! 要體驗嘛~ 原來佢地種既係”洋芋”，開頭聽唔明... 原來即係薯仔呀!!!
用曬乾既牛屎做燃料~
Karkara係雪山既山腳架~
坐呢架bombom車去"幹活"啦~
今日既工作就係除草!
原來呢d雜草，就係沿途所見好靚既一片黃花呀!!! 因為田裡有好多呢D小黃花，同薯仔爭泥土既養份架 ~ 呢D小黃花就係農夫既天敵之一啦!
農夫既工作超辛苦呀! 我雖然穿上手襪，只係幫手左個多小時，但雙手都紅晒呀!!! 佢地仲要每日都要做...
“幹活”其間突然有一大片烏雲遮蓋左太陽，跟住就颳起一陣陣好凍既寒風，著埋Goretex都頂唔順呀... 佢地見我咁凍就一齊返歸啦~ 我諗唔係我地阻頭阻勢，佢地一定繼續架...
一大片既小黃花,原來就係雜草...
大雨來臨
返到去終於見晒呢個家既所有人啦! 計計吓起碼有三個家庭呀! 真係好多人~
跟住就食晚飯，係富有民族特色既晚餐! 係用人手將麵粉搓成闊條麵，加上用薯仔蕃茄配料等煮到入晒味既湯，就成了好美味既湯麵勒!當然有埋主菜,Nan(即麵包)啦~
凍冰冰既天氣，食碗熱辣辣既湯麵真係特別滋味架~~~
食完晚飯都唔夠一粒鐘，D碗先見剛剛洗完，竟然又攞D碗，茶同D “Nan”出黎食喎!
我咁大食都頂唔順呀!!! 都唔明點解要執枱同洗碗... 原來呢度D人係一日食五餐架!!! 唔怪得之佢地只係食包都咁肥施大隻啦!
食完消夜，間屋既真正主人買左支”土炮”返黎⋯ 呢個主人只係識講哈薩克話，經翻譯後原來話佢係主人，我地係客人所以要同我地飲!習俗上倒滿一杯既酒就要乾晒... 起初想”maymay”，但見佢一本正經叫我飲...唯有... 經佢一杯一杯”怒隊"後... 瞓到半夜有人嘔到嗅賓賓...
要我地"怒隊"既主人
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
