Urgut發音好得意，叫”U lu 咕”，係近塔吉克既邊境市集，只係星期三,六,日才有人擺賣，能夠睇到更平民既生活，所以特登等到今日星期六去參觀~
亦都因為咁既關係，今日係Registan廣場附近有好多min bus去Urgut，每人口$1500 som(HKD $7.5)
一個小時既車程，當見到架車比前車塞到不能再前進時，已經到左Urgut啦!!!
Urgut真係超大既市集呀!!! 衣食住行所需既野通通係度買到，而且價錢亦超平! 我諗住係附近好多當地人，都專程搭車黎shopping架~
去到一檔係烏茲別克成日見到既特色飲品檔口，個熱心老闆仲請我地飲呀!!! 原價($ 200som) 感覺…淡淡地~
仲叫我地影相TIM~
收獲:
拍紙簿($ 200som)
女裝頭巾($ 4000som)
![]() |
| 烏國特色飲品 |
![]() |
| 親切既當地人 |
![]() |
| 又食 |
![]() |
| 只係逛左幾個鐘 ,外面已經水靜河飛LU... |
係下午兩點幾回程返撒馬爾罕，覺得係撒馬爾罕都留左幾日，係時候要走LU~
下一站… 係以一千零一日夜裡,阿里巴巴與40大盜作背景既--布哈啦!
於是沖完涼就CHECK OUT，但check out 時已經4點幾，我地要比多半日錢… 都怪我地即興要走無講啫… 不過真係唔捨得呢間B&B，由老闆至職員都咁nice~~~
於是搭的士去到巴士站，幸運地，一上巴士就開車啦!
一踏入車箱好似成個大明星咁呀! 全車爆滿仲企滿人，當全車人見到我地上車即時起哄，好多人用手機影我地相呀!!! 雖然無晒位，但D職員好好人讓位比我坐呀! 估唔到咁都有位坐
好彩無位坐既乘客無炸型啫~~~~~
原來呢架長途巴士，係係首都塔什干開架! 經撒馬爾罕等地開去總站布哈拉； 而我地搭呢班車，亦係本日最後一班，真幸運!
2100到布哈啦外圍，長途巴士比錢揾架min bus 再車我地去，仲千叮萬囑我地唔使再比錢呀!!! D人真係好人…
坐左大約半個鐘車程終於到啦~ 左問右問先搵到佩瑜書中講果間讚不絕口既B&B啦! 不過就完全唔同佢講到咁好… 因為個接待員起碼一開口就索價每人USD $20!!! 於是我比本佩瑜佢睇，話剛剛上年先住完只需USD $10咋! 最後才每人USD $10入住…
初到布哈拉既感覺都幾商業化，唔太鍾意… 尤其水池一帶既食市，我地只係食左兩隻雞肶同一支汽水咋! 竟然連15%小費要$17200som呀!!!
(即80幾HKD)，見到夜先費事搵係度食咋… 一定無下次!
![]() |
| 咁樣就要80幾港紙勒... |
