2011-03-04（Day 27)
住宿 ：Hostal ArcaIris
行程 ：Sol Island太陽島
高度 ：海拔3660M
![]()
今日換左住宿,位置係原先住宿既下面,價錢亦都只係半價,$40-BR一晚咋！
房間景觀一流,躺在床上已可欣賞到美麗既的的喀喀湖景啦~ 比尋日既更好~ 只是規模大與小既分別吧! 而規模小，主人亦相對nice,呢個暫時係我旅行歷程裡,不變既定律!
咁既價錢有咁靚既景觀,真係物超所值呀！
午餐煮埋D剩餘物資,今次半個鐘就攪掂啦！有進步！ 仲係露天既環境吓,一邊欣賞極美既的的喀喀湖景,一邊食自己做既午餐~
自己整既，特別美味！係呢個美景食到呢餐,真係一生一大享受呀！
![]()
住宿既主人,係擁有一個小朋友既媽媽,佢下午要去Copacabana,要聽晚先返,成間住宿由我看管我玩晒~ 足以睇到民風純樸，無機心,你話遇到個貪心既人,大可將其他幾間房租出去錢照收！
老闆娘聽晚先返,個客住一日既話都走左lu,執拾過房間都唔覺租過出去~ 租金還袋袋平安呢~
老闆娘臨走前,係佢一站式經營既店舖裡,又風狂購物啦！ 可愛既駝羊冷衫一件,只係$95-BR即$95-HKD!
香港閒閒地都過千啦! 真係唔買都對唔住自己呀！ 最後買左件比老豆同自己~
我諗成個行程最嘆就係太陽島呢兩日啦~ 兩日都無所事事,悠閒咁享受的的喀喀湖既寧靜和美景~
無目的咁遊覽後,襯太陽伯伯未落山,趕快去沖涼! 因為基本上係無熱水的,的的喀喀湖氣溫真是凍! 我去既時候正直夏季,烈日當空都要著冷衫帶冷帽••• 尤其晚上更加異常寒冷Tim! 夏天已是這樣,咁冬天咪更甚？
太陽島，被喻為印加既發原地
![]()
晚餐去一間餐廳進食
![]()
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
