(Day 26)2011-03-03
（住宿 ：Hostal Las Islas
行程 ：拉巴斯--> Copacabana --> Sol Island太陽島
高度 ：海拔3660M
係酒店用$12-BR食左個早餐,好急好趕咁搭0815開出既巴士; 搭巴士前除左車票,原來仲要比多$2-BR唔知乜野既收費先可以上巴士架！
![]()
![]()
拉巴斯街頭唔知有乜咩活動~![]()
兩個多小時到達的的喀喀湖邊,我就以為到左總站,原來要轉船過對岸! 人有人搭，車有車搭,好得意~
![]()
去到對岸,再過多半小時既山路車程,翻過山頭去到島既另一端,就到Copacabana喇！
1200到達,個小鎮有好多agent,可買船票往太陽島Sol Island。於是隨即買埋1330開既船票$15-BR,我諗住係島上嘆番兩晚,仲訂埋一晚住宿Tim...$80-BR一晚; 我就係咁,偶然會唔知黐左邊條根,會突然擔心••• 今次竟然驚無得住要book訂喎！ 一D都唔似平時既我呀！
由於Lonely Planet話島上物資缺乏,怕無得食,而個職員做話住宿可以煮野食,再者街上見到好多背包客,都買晒一袋二袋既食物水果,行去碼頭方向... 於是我地都買定呢兩日既食糧勒！
個半小時既船程,慢慢感受下,全球最高海拔之一既的的喀喀湖,坐船既下層果然係明智之舉! 接近4000米既高空,陽光異常猛烈! 真係替坐頂層露天既乘客可憐••• 係1500終於到達Sol Island喇！
![]()
碼頭既不遠處,已看見通往山上既印加天梯,一落船已有好多小孩Sell自己背行李既服務,我就當然靠自己啦！ 不過近4千米既高度,背住咁重既行李,仲有手抽一袋二袋,行呢條長命天梯真係上氣不接下氣呀！ 行幾步就要抖一抖••• 沿途路經見到有幾多唔錯既住宿,可惜一早book定••• 唯有繼續行•••
![]()
![]()
![]()
![]()
幾經辛苦,行到差不多山頂,終於到達今晚住宿既地方,景觀唔錯,但就十室九空,加上沿途所見到既旅館都係無乜人住,就再一次證明我book定係錯既！
![]()
![]()
講返今晚既住宿,景觀都ok,但煮食就要加$10-BR... 原來呢度每間住宿,大部份都有自己既餐廳架！ 都怪我無做資料搜集••• 咁既然買晒餸無理由唔煮架! 晚餐係雞手鴨腳下,攪左個幾鐘先有得食呀！因為我平時極少煮飯•••
我終於明白,點解有D住宿唔比煮食啦! 因為費事遇正我咁既人,霸住廚房咁耐同攪到一獲泡呀！
兩日既糧食
的的喀喀湖星空
![]()
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
