(Day 9)2011-02-14
住宿 :Brisas Del Mar (USD $20)
行程 :EL Canlten —> 布宜諾斯艾利斯
![]()
出發前係HK無買冷帽，不過係EL Catefete天氣寒冷，用左HKD $60，買左頂我好鍾意既帽呀! 又抵又特別~
由尋晚開始已不停落雨，D衫洗左乾唔到... 雖然南半球係夏天，畢竟係南部，落埋雨勁凍呀! 個天都算待我不薄，今日離開南部先黎落雨~
今次返首都布宜諾斯選乘LANS智利航空，果然係南美最大航空公司! 服務不錯~仲記得張毛毯好鬼靚，真想笠左佢!
回到熟悉既布宜諾斯，順利搭到公巴回到San Talmo； 今次試吓第二間家庭式經營既旅館，感覺同第一日住既差不多~
先去一間傳統既酒吧食左個漢堡包+可樂
$15 peso=HKD $30，價錢合理，諗住今晚返黎再食過!
食野
食飽後去呢個被遇為南美巴黎，南美最大既城市布宜諾斯艾利斯，真真正正咁遊覽吓! 因為第一日淨係去過小保加咋!
首先係鐘樓落車，穿越有當地人耍太極既San Martin大公園，去到最多采多姿既Flordia大街，有名店、有商場也有地攤，當然有阿根廷既國粹探戈表演啦! 而且今日係情人節，有好多小販賣花呀~ 見到D花我話要買來送比佢，又唔知得罪佢D乜，又黑晒面...
![]()
好型既HSBC
然後經過全布宜諾斯，第一所既教堂Iglesia San Ignacio； 再去到一間粉紅色既建築物—總統府，據說傳奇人物貝隆夫人，當年就經常係其中一個露台去激勵景仰她既群眾! 令到我好想去認知呢個傳奇女子既事跡呀!
行完街返到San Talmo，果間酒吧已經關門lu... 好在之前行街食左野jet~ 於是行去球場睇吓當地人引以為傲既足球，仲比人邀請落場tim! 起初打龍門，見到落場踼波既人，不論大肚腩，定係細路仔，個個都技術出眾一個扭幾個，仲大人細路都識玩花式tim!!! 之後叫我出場踢...費事獻醜啦... 唔怪得之阿根廷係足球強國啦~
今日係寒冷既南部，來到熱辣辣既布宜諾斯，就係咁過左個忽冷忽熱既情人節啦~
P.S. Day 10請前往烏拉圭,巴西,巴拉圭篇
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
