住宿 ：巴士上
行程 ：Asuncion(巴拉圭) —> Resistencia(阿根廷) —> Salta
今朝放棄酒店包既早餐,要瞓到自然醒呀!
坐長途巴士前
決定係巴拉圭食既最後一餐
又係食牛排
又係係酒店食•••
今餐仲正! 由於午飯時間，無乜人据扒，所以order先即燒，唔使燒到D牛排熟晒!
D肉好鮮嫩好好味呀~
咁樣一站試既既旅館又真係幾方便喎~讚！
仲記得尋晚係度一路食，一路欣賞電視中既南美自由杯球賽，將上網搵到我最愛既守門員，已退役十年既巴拉圭門將捷拉華特既相片，比隔格離一齊睇波既食客同職員睇，一睇佢地能即時講出名字，個個都讚好呀！
雖然佢已退休超過十年，係當地人氣仍然高企噃~
食完就離開酒店去對面既巴士站，好彩早十秒到，一到巴士站就傾盆大雨，又再一次證明得到上天既眷顧喇~ 唔使淋雨~
上到巴士後看見整條街道已變成一條河流咁呀！ 唔知係迷巴拉圭係正阿瑪遜雨林旁邊，經常陰晴不定呢？
中午開車，超長程巴士開始啦！計埋轉車等候大約要20個鐘架！再見啦價廉物美既巴拉圭~
![]()
係車上打吓機，瞓吓覺； 打機係打手機上既模擬器，兒時愛Game超任既龍珠，呢隻game係旅途上都陪左我唔少時間，亦都浪費左唔少時間! 因為要升Level⋯ 下次去旅行都唔會再煲機啦! 會錯過好多車上欣賞風景既時間⋯
6個鐘頭既車程好快就過啦! 係晚上七點幾到達阿根廷既Resistencia等候轉車，天空正是金黃色既黃昏，很美！
![]()
晚餐係巴士站內食好硬既包，唔係包就牛排，呢D就係阿根廷主要食糧⋯ 巴士站既普通餐廳都有wifi，真係好呀~
![]()
呢個巴士站特別多流浪狗，南美既流浪狗全以大狗為主，就係呢個巴士站，就有比D毛摭住隻眼既大笨狗，同一隻拉布拉多喇! 有得上網時間過得真係快，好快就到2200開車啦！原來呢班車都包晚餐架~
下篇請前往阿根廷篇 Day 29
