(Day 13) (下) 2012-10-03
住宿：Hjardarol Guesthouse
行程：Akranes --> Kerid --> 雷克雅未克近郊
![]()
![]()
睇完火山湖太陽已開始下山啦! 去到首都近郊搵到一處頗具規模既住宿,似是一個營地。 Esther與住宿負責人交談得知,負責人已是兩子之母,早年問銀行借了一筆貸款買下該塊土地來經營旅館,依家再借錢去讀書... 呢種借貸度日既生活方式正正就係西方人既理財理念,亦是早前金融海嘯既源頭,即次按既問題... 呢種理財方式我地中國人是難以理解的! 我估佢欠債既數目一定唔少,相信更是沒有積蓄,不過見佢還輕鬆自在沒半點憂愁,比著香港任何一個人,一定天天愁眉苦臉啦! 再諗起時下香港既人起勢係度鬧樓價貴,諷刺不願做樓奴... 現時香港樓價真的係好貴,但西方人既理財觀念何只做樓奴,直頭乜奴乜奴都做齊啦...
入黑後見個天色唔錯無乜雲,應該係來冰島咁多日最好天既一晚,而今晚又係最後一晚,即最後機會睇極光,所以上網全程睇實極光指數及覆蓋範圍,係食自製晚飯時極光強度係7，但唔知係咪月亮太光加上近首都既光害所以睇唔到...
食飽沖完涼,我與港女係寒冷天氣下,繼續襯最後機會係住宿旁既大草地的車內守候,港女就最後機會,因為後日佢就回程,再者港女當然來想我地一齊見到啦,相傳見到極光能得到永遠幸福嘛! 而我則繼續北上Greenland仲有成個星期既機會,可能剩係我先得到永遠既幸福都未定,呵呵~
最後守到半夜兩點幾,係繁星及月光下不知睡著了幾多次,極光始終無出現... 諗住落車影張星空既相就返去瞓,點知一連兩張細心察看下,個星空點解有淡淡既綠光既? 唔通其實一直都有極光,因為月亮既光芒同周邊既光害遮蓋所以肉眼睇唔到,要高感光度既照片先影到? 再於是我盡力睜大雙眼,真的若隱若現見到一片綠光係空中噃!!!
於是走去車上好興奮地喚醒港女,一同落車係寒冷既室外抬頭望天,綠光似有還無,再加點幻想既空間來觀賞! 及後駕車離開住宿範圍諗住遠離光害,不知是否真的太近首都,加上其周邊小鎮既光害真的避都避唔到,極光反而更加暗淡... 於是再返回頭先既草地,再用高感光度拍下既照片所見,極光已經消失了... 影到但唔係太見得到,算係了左半個心願吧!
@0330
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
