(Day 13) 2012-10-03
住宿：Hjardarol Guesthouse
行程：Akranes --> Kerid --> 雷克雅未克近郊
![]()
![]()
話說尋晚苦候極光都睇唔到，起身一上網check，原來半夜時份既指數極高，平均4至5，曾經仲上到去7 Tim! 唉•••睇黎都無緣Lu...
係酒店食完自製早餐,就向首都方向南下;開車約一個小時,去到個有規模既騎術學校Laxnex horse farm; 來冰島主要目的係睇極光,而騎雙腳短短的冰島馬都係來冰島想做既活動; 騎冰島馬原本$8000，Discount 左$ 7000兩個鐘。 Esther佢地話係紐西蘭騎過馬唔騎喎,於是佢地自己揸車去其他地方遊覽; 其實我都係其他地方騎過,不過我都好想騎吓冰島獨有既品種,而港女就真係未騎過馬架!
@1330
維基上咁描述冰島馬的:
冰島馬是發展自冰島的一個馬品種。冰島馬雖然細小如矮種馬，但一般品種登記都將牠們分類為馬。冰島馬的發育遲緩，但也很長壽及耐苦。在國內，牠們只會患上很少類的疾病，因為冰島禁止動物入口及接收已出口的動物。
所以當冰島馬出國後就不能再回國,保持絕對純種架~
一大隊約十多人,由數個導師帶領前往郊外兜個圈,呢個圈真係兜足個幾鐘無偷懶! 期間陰天,寒風颳面,鼻水係咁流... 好在係頂頭盔內都帶左冷冒,唔係仲凍呀!!! 一隊人慢慢行,仲見有人墜馬...好彩無事啫! 因為真係可大可小架! 最後回程分兩條隊,一條快,及一條慢隊任你選擇; 港女騎術麻麻揀慢隊,而我緊係要刺激揀快隊啦! 快隊得7-8人由導師帶領奔跑回程! 好爽呀!!!
![]()
![]()
我既坐騎~![]()
騎完馬就前往冰島行程既最後目的地,就係第二日因天雨關係無去到既火山湖Kerid。 出發前上網見火山湖既照片十分吸引,而全球十大最美火山湖中,冰島就佔兩個,所以來冰島其中一個主要去既景點,就係比較少人話一定要去既火山湖勒!
一個係東北部近米湖既阿斯恰火山口,Viti火山湖,但呢個火山湖要深入內陸幾個鐘,但以9月底當時天氣中部地方十分惡劣,封晒路,就算去到都仲要行一段時間上山,所以無諗過去; 而我要去既Kerid火山湖則最近首都,又近公路旁,緊係取易不取難啦! 不過如天氣及時間許可,當然兩個湖都想去晒啦~
離開主要公路進入支線,根據GPS顯示搵了好耐終於搵到! 因為沿路無任何路牌,且要再入小路,真係行過左都唔覺! 我地都兜了兩三次先終於去到咋! 可想而知Kerid並唔係乜野主要景點~
泊好車只係行短短既5分鐘就可見到個火山湖,美景真係垂手可得! 今日一整日都差不係多雲, 由第二日因天氣惡劣而無來,留到今日見陰天都照來啦... 當騎完馬揸車前往途中已放晴,真的天公做美呀! 湖面反映出藍天,令到火山湖分外藍,真的好壯觀呀!!!
於是分頭遊覽,Tim哥他們圍繞火山湖一圈,而我們則從小路行落火山湖,仲幫Tim哥裝了一小瓶湖水tim!
臨離開時終於執於返幾舊火山石,因為係紀念品舖所見既 山石通常做成蠟燭台,我返到香港都照辦煮碗先! 而Tim哥係冰島行程裡,一早已沿途不停執左一大袋啦!
環迴立體聲! 而我帶住既就係冰島style既冷冒啦~
裝了一小瓶火山湖水![]()
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
