Day 11 北方之都(冰島阿庫雷里)

由新銀仔於 2013-07-26 00:00:00 發表 | 累積瀏覽 386

分類：

(Day 11) 2012-10-01 雲/雨
住宿：Syðsta Grund民宿
行程：þingeyjarsveit --> Akureyri --> Syðsta Grund

食完自製早餐就出發去冰島第二大城市阿庫雷里Akureyri;沿途路經Godofoss瀑布，不過又落雨又大風，怱怱落車行吓，拍幾張相到此一遊就算Lu...

個零鐘既短車程到達北部最大既城市阿庫雷里,真係好多日未見過咁多車,咁多建築物啦!!! 先去旅客中心，旅客中心係一個好有藝術氣息，綜合類型既建築物內，有點似香港既文化中心。

網上對阿庫雷里有這樣的描述:

阿庫雷里是冰島僅次於首都雷克雅未克的第二大城市，號稱北方之都，也是冰島北部最大的港口。它位於冰島最北部的埃亞峽灣的盡頭，地處北極圈邊緣。背依雪山，面臨碧湖，風景秀麗。這裏的午夜太陽可謂一大奇景，每年的六七月份，幾乎終日可見太陽。阿庫雷里有地球上最北的植物園，園裡種植著冰島各地及其他國家移植來的2000多種花草樹木，因此，阿克雷里又有「北極圈邊的花園城市」的美譽。
詳全文拜訪阿庫雷里聆聽冰與火之歌-旅遊新聞-新浪新聞中心 http://news.sina.com.tw/article/20130710/10112358.html

當然來到阿庫雷里係有兩個好活動,出海觀鯨及搭船往北去一個橫跨北極圈既小島,不過都係適宜於夏天... 這裡位於北方面向北冰洋,比起首都出海觀鯨地利更為理想; 而Grimsey是冰島最北的島嶼，也是冰島唯一觸及北極圈的地方,島上還有郵局,可以寄出由北極圈寄既名信片,不過淡季只係每星期得一兩班船前往,所以打消念頭;我知港女其實好想去踏足北極圈,但時間所限無計... 我就無所謂,反正我稍後都會去格陵蘭進入北極圈,Hehe~

取了地圖及資訊後，就搵地方醫肚，點知係油站搵到間Lunch Buffet，有羊有牛有魚沙律等等••• 唔算好多種類，不過價錢合理好啱食,可以飽餐一頓! 突然諗起香港，好多人都話呢間D Buffet少野食，果間又少••• 依家覺得唔係在乎種類多與少，而係啱唔啱食••• 香港人是否真的太過挑剔呢? 有時去旅行就鐘意比較香港既情形，覺得現時香港好多野都睇唔過眼•••油站午餐每人$1750-Kr ($110-HKD)

及後行吓小型商場,當然就係睇冰島既品牌”North 66”啦!!! 見一件Gore-Tex,袖上印有Arctic Edition,真係型! 要成四百幾歐,真係好想買! 可惜為左呢個行程,出發前已係香港買左件Gore-tex Lu... 咦!!! 點解我件厚毛衣就諗到黎冰島先至買,Gore-Tex又諗唔到既???

行完商場再係市中心行左一陣,買左個Puffin公仔比姪女希希~

可愛貓貓

Viking啤酒廠

離開阿庫雷里不遠，搵到間牧場住宿,有間獨立木屋仔出租,經講價後$10000-Kr

諗住搵吓牧場內D冰島馬同羊咩咩玩,馬就好nice咁比你影吓相,但羊就四散...