(Day 9) 2012-09-29 雨
住宿：當地民居
行程：Skaftafell 近郊 --> Jökullònió浮冰湖--> Hofn --> Seydisfjörôur
![]()
![]()
早上起床,行出屋外,看見一大片草地,當堂心曠神怡,精神百倍,仲見村民正在趕羊Tim~ 早餐自製，於露台望住一大片既原野享用，真是人生一大樂事呀~
![]()
食完早餐後出發! 先去Jökullònió睇浮冰湖,其實沿途仍是尋日所見既Skaftafell冰川,不時見到壯觀既冰川畫面!
Jökullònió浮冰湖,D冰當然亦是Skaftafell冰川流出黎啦!車輛可以駛到好近個浮冰湖，然後步行同浮冰湖近距離接觸。與阿根廷EL Calfate 既浮冰湖差不多，不同既係呢度可以唔使再比錢搭船，就可以與浮冰近距離接觸! 馬路既另一面，仲可以睇埋一舊舊既游冰流出大西洋，見證著人類既惡行(包括埋我)
咁近浮冰,唔知有無人幫襯呢?![]()
之後就去城鎮Hofn食午餐; Lonely Planet 講Hofn係東南一個較大既城鎮,最出名係龍蝦，雖然我不太鍾意食龍蝦的，因為太鹹了••• 不過都去左間比較地道既酒吧餐廳，食個全龍蝦宴先!
龍蝦湯+龍蝦Pasta$7000-Kr($430-HKD) 龍蝦湯好濃好鹹，都係預計之內既，不過個Pasta就真係好大碟幾好味(4人共午餐，$16770)
Hofn果然係大鎮,學校圖書館等都配套齊全; 係學校前看見一個6,7歲既小朋友,擺左個地攤,擺賣自己既寶貝及書本,其實想幫襯佢買本拍子簿寫吓野,但D簿仔全是冰島文既書籍,都係算吧... 外國既小朋友都興這樣,曾經係blog友”噢!地利”都見過~ 外國既小朋友有童真,又創意無限,一草一木一隻昆蟲都可玩一餐! 係香港? D Baby未識行路講野,仲係BB車度,已經識攞住電話篤篤吓喇! 到6,7歲,當然行街搭車食飯都機不離手啦! 邊有咁多閒情逸緻丫!
![]()
![]()
之後係Hofn一間大型既超市補給物資，仲買左地道北冰洋既鱈魚乾食tim!。
補給後繼續驅車前往,因為沿海駕駛,當然少不免又係見到黑沙環及懸崖峭壁啦~ 其實東南部仲有個亮點,就係冰島經常見到既野鳥"Puffin" ! Puffin似企鵝+大咀鳥既混合體! 不過季節唔啱,飛走晒又睇唔到... 所以冰島旺季真係有原因,有Puffin,又有鯨魚,更有午夜太陽... 真係多好多野睇! 但想睇埋極光咩? 又無乜可能噃!
離開今早既住宿前上過Internet，話明晚既極光指數係Active, 但唔知Tomorrow 既意思係今晚0001開始丫，定係明晚入黑呢? 不過都唔理，當兩晚都係啦!
不過天文台個衛星雲圖就話今晚成個冰島都會比厚厚既雲層所覆蓋,真係無緣...開左好耐車，沿途都只見烏雲,不時仲落雨tim! 都無謂嘥時間特別搵無雲既城鎮啦! 而住左幾晚郊外較地道既住宿或獨立屋，大家都想繼續入住類似既住宿; 最後經過漫長既車程，去到一個冰島東邊邊陲城鎮Seydisfjörôur問到一個當地人，話自己都有Apartment 可以租比我地，幾多人都只係收$8000-Kr咋! ($500-HKD)
晚餐又自製~ 開電視睇,冰島人應該幾鍾意音樂,除了一年一度有盛大既冰島音樂節,連電視節目都有Band show睇,表演者有D係情侶,亦有兄弟,甚至有整個家庭tim~
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
