(Day 8) 2012-03-16
住宿 ：Hostel Tallinn €20
行程 ：愛沙尼亞Tallinn![]()
朝早又係煩尋晚D野,一陣要落reception先收到Wifi...好在有whatsapp同Line兩大apps,Line可以作電話用! 唔錯~ 好在香港有個好同事幫我處理,暫時放下擔休~
於是返房再瞓多一陣,一瞓就1100,再落好大既廚房,食尋晚係餐廳帶返黎無食過既麵包~ 係廚房發現個雪櫃有芝士同牛油,攞黎查麵包先~ 我諗係住客留下既,仲有不同總類既Pasta等等tim! 而且Hostal仲有茶同咖啡提供架~
於是一邊食,一邊上網,又打吓遊記~ 不知不覺已經1300啦! 唔好再咁Hea...要出去行吓先!
![]()
沿住Tartu大街行去古城,搵到間銀行換錢,於是用$50-USD換D當地錢,點知愛沙尼亞原來已經用緊Euro喇! 個職員又話無得cancel,焗住用$50-USD 換成€36,真無聊... 比銀行賺左廿蚊Tim!不過好在幫我打散埋張€200大鈔~ 用歐羅真係方便,唔使計住仲有幾多錢用,用淨留番下次再用~
其實30分鐘就可步行到古城,不過又有點肚餓,姑且一試D甜圈圈先~ 好鬆軟熱辣辣,好美味呀~ 係天寒地凍入黎過一過”暖河”,成身暖晒~ 當係香港時就要過”冷河”,哈哈~咁大個仔都未食過咁好食既麵包架! 兩個圈圈加杯茶,只係€1歐咋! 仲有free Wifi tim~ 回程一定要再食先~
愛沙尼亞文,英文,俄文~
其實之前係立陶宛及拉脫維亞都逛左兩個古城,睇既野都係差不多,都係睇吓D教堂同城堡咁,尤其教堂真係有D厭...
所以到塔林都無乜其望••• 點知最後一站既塔林,竟然有意外收獲,整個古城都瀰漫著中世紀既氣氛,呢種氣氛係之前兩個古城無既~
兩坐塔樓既中間就係主要既入口,係入口城牆旁有一檔檔既小販,小販穿上中世紀服飾~ 我先被一檔香噴噴既果仁所吸引,試食後唔錯,買一包先~ 之後隨意四處逛,仲見到不少相信係港人tim~ 係之前兩國無既,相信愛沙尼亞比較近香港人鍾意去既芬蘭呱!
![]()
又肚餓去左間吧食Pasta做晚餐,價錢合理€3.9,等個天開始黑去上城區影夜景先~最灰今日係烏雲密佈,又影唔到靚相Lu...
![]()
上城區盡是政府建築物，領事館,愛沙尼亞一直受到不同國家統治,同香港以前一樣,官員要係半山居高臨下,監察人民既一舉一動!
上城區風景好靚,可惜烏雲密佈,影唔到Magic moment...諗住影夜景,慢慢等到1900見個天開始黑齊,D城塔都未開燈既! 於是問個清潔工先知,竟然大部份城堡都唔開射燈喎!
有無攪錯！主要景點竟然唔開燈!
失望落山,快快回Hostel,早前話想食既甜甜圈已經關門啦! 回程諗住去到電車站想試吓搭電車,一問之下原來要係第二度買票架! 仲要€1歐一張,個女仔有一張話賣比我,點知我得張€5歐,佢無錢找仲送左張飛比我Tim~ 嘩！真係好人~ 愛你~上到車要自己打飛! 不過計計吓€1歐程都幾貴,呢程只係10min... 咁香港電車真係抵到無人有,就算地鐵都唔係貴!
返到Hostel已經2100啦! 由於尋晚已問定住宿老闆娘,行去機場都只係約半小時唔係太遠,所以一陣仲要半夜0200起身行去機場,得幾個鐘瞓咋!
落山路經既景點
![]()
右下:背住既就係好好人既女仔啦~
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
