(Day 2) 2013-06-11 晴
住宿 : 貝加爾湖夢幻酒店
行程 :Irkutsk —> Listvyanka
今朝0900起床，從Hostal位好幫得手操流利英語既reception靚女，得到好多旅遊資訊! 首先根據資訊，步行用15分鐘去到近河邊既一個旅行社，買定後日貝加爾湖既環迴列車~
![]() |
| 右下：伊爾庫茲克有好多木建築 |
然後再行過對岸既Irkutsk伊爾庫茲克火車站，買定之後既火車飛； 伊爾庫茲克火車站，係西伯利亞沿線上一個好出名既大站，就係因為近貝加爾湖所以出名! 我就係想感受貝加爾湖，先至由這裡玩起； 不想因為純為了想搭西伯利亞鐵路，而路過無落車... 畢竟大家想得到既都不同，兩種不同既玩法，所以我揀前者... 要感受整個西伯利亞鐵路，有機會會用長D既假期，沿路小鎮都停低住返幾日~
係火車站附近食左個午餐，好平又好食，但我就覺得西伯利亞既羅宋湯比莫斯科那面好飲... 應該話更像香港飲到既味道！ 旁邊既蒙古人話這裡既肉比莫斯科那面靚，所以西伯利亞既更好飲！
回程想試吓電車，每人只需$6-RUB，真係平！ 係列寧大街落車，路經一個商場同一條購物街，分別買左D手信，同每人一件短袖衫，因為港女竟然帶得一件短袖衫... 真係無符... 天氣雖然唔係好熱，但唔知西伯利亞係咪高緯度既關係，陽光異常猛烈!
經行錯路下，將近1600先返到Hostel攞行李走，急急腳要離開伊爾庫茲克啦~
![]() |
| 有1 Litre 既罐裝啤酒，真係堅! |
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
