(Day 9) 2012-06-18
住宿 : Zaga Hostel
行程 : 額吉湖 —> 烏蘭巴托
8點好不情願地起床，因為尋晚成晚凍醒，也被港女叫醒去透火... 及後一位年長既大嬸送早餐來得知我們這樣，開一開個櫃門示意原來有被供應喎！
你知我係客人又點好意思摷人地間屋呢？
食完炸麵包加奶酪後，係0900前就出發回程了！ 係中途站食羊肉餃子~
係1600返到首都烏蘭巴托既Hostel，隨即趕緊於1700中央郵局關門前去買郵票寄Postcard。
![]() |
| Mark2 係好多香港人既dream car, 但蒙古就隨處可見! |
![]() |
| 竟然有! |
![]() |
| 郵局 |
郵局好大，也有手信賣! 於是就係買手信既時候勒！ 因為近來欠人人情特別多， 今次買既手信亦都特別多！ 不過呢度d手信好得意，有d好似係每間舖頭獨有的; 而大家都有既，則要好好地格價，因為價錢有所不同！ 最後去到國營百貨公司，係五樓有個好大既紀念品中心，買給自己最貴一樣既紀念品係弓箭($300-HKD); 但就無早前係街邊舖頭睇中既蒙古包形既盒...
![]() |
| 國營百貨公司 |
![]() |
| 竟然又有！！！ |
![]() |
| 百貨公司既窗，可以飽覽市中心 |
晚餐去食蒙古既羊肋骨，不過餐廳係食韓國野為主... 整個蒙古既印象覺得同韓國關係好密切，早前穿州過省時，經常見到有韓國同蒙古國旗並存既牌，應該係一同發展既項目; 而首都所有係既食肆，超市，甚至酒店都命名為首爾，而賣既日常用品，大部份是韓國入口的，其次是俄羅斯及日本，而中國既用品真的算是少數。可能是歷史問題，另到刻意避開中國，中國有好多人覺得蒙古國以前是屬於中國的; 但我相信蒙古人係好討厭呢種說法，因為佢也覺得，中國以前也是蒙古既一部份！
![]() |
| 連剪頭髮都標榜Free Wifi! 香港呢？ |
![]() |
| 蒙古啤 |
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
