(Day 8) 2012-06-17
住宿 : 牧民家庭
行程 : 哈喇和林 —> 額吉湖
瞓醒食埋早餐，就隨即向額吉湖進發! 沿途全是土撥鼠既洞穴，並看見很多土撥鼠亂竄，所以LP提醒要露營既遊客，要有心理準備! 當上到山頂後風景壯麗，整個額吉湖盡入眼簾！
拜司機所賜，終於住到牧民家庭啦~
![]() |
上：沿途常見既植物
下：土撥鼠洞穴 |
![]() |
| 仲唔比我"部"到你! |
其實額吉湖有多個營地，不過我更想體驗牧民既生活~
呢個牧民家庭應該有三房人，唔知點解這裡有群蚊襲擊，早前當車開到幾里外時已經有了! 可能呢度太多生畜呱⋯ 我曾經覺得涼而著左件黑色外套，就被成千上萬既蚊包圍， 不過佢地唔咬你，只會煩擾你！於是即時跑入蒙古包，件衫除都除唔徹！但又好奇怪，有成千上萬既蚊追住我，但當進入蒙古包竟然只係得小貓兩三隻跟入黎，轉過頭又飛番出去喎！！！ 點解呢？有乜驅蚊既方法呢？
![]() |
右上：糞便燃料
左下：化糞廁所勁多蒼蠅不能去⋯
右下：傳統得黎也有先進既一面 |
![]() |
上圖：一進屋，蒙古女人先為我們送上鹹奶茶，硬崩崩既乾乳酪
左下：無分食既煎餡餅
右下：發酵中既乾乳酪 |
由於是牧民家庭，只見全屋既人都係度幹活，男既就劏牛宰羊，女既負責清洗內臟; 及後我睇劏牛，佢地仲毫不客氣叫我幫手捉住已死既牛腳，以方便佢地剝皮... 原來劏牛最費氣力除左要製服佢外，就係剝皮啦！ 見佢地出盡九牛二虎之力先成功！ 而呢次經驗就係，如果你唔想幫手就千其唔好睇勒！ 我就無所謂，就當係一種睇驗~
平時牛就食得多，但係由一隻生鈎鈎既牛，經過屠宰等多個步驟，直到你食落肚，都係呢一刻先體驗到咋!
![]() |
| 屠夫體驗 |
洗淨手上少量既血就食午餐，其中一名大嬸為我們準備好牛肉蒸餃，好重草味呀~
食完飯百無了賴等騎馬，我未有得騎，但就睇住屋主同佢個仔(十歲)騎到老遠，返到來後個小朋友繼續策繞圈練習，而佢屋主則繼續做屠夫; 我上半晝屠夫既體驗過就算，下半晝我們連司機三人就飯後睡一睡，一睡就瞓到三點幾; 然後同兩個小朋友玩，佢地對大地上既一草一木，甚至連一條繩都玩到不亦樂乎！ 其實呢D先至係童真⋯ 香港既細路？真係無得救⋯ 主因就係父母之過!
1800等到佢地一日既工作完畢，終於有時間帶我地去騎馬了！試想想當年蒙古鐵騎踏平歐亞，依家係騎緊佢地既後代喎~ 騎蒙古馬實在比騎其他既馬更興奮！ 不過佢地好謹慎，用繩牽引著我地騎既馬... 而我隻馬傻更更，成日馬失前蹄踏空向前仆(起碼15次),同不停叫！ 我諗真的同當年蒙古入主中原後一樣，廢晒武功了...
額吉湖實在太美啦！但真的太多蚊，恐怖到全是空群出動！ 唔知係唔係早前既貝加爾湖實在太大，好似個海一樣不太特別，真的完全比下去呀！ 雖然原定諗住今日用一整日來騎馬遊湖同釣魚，但能夠體驗牧民一日既生活實在更難能可貴！
騎完馬由小朋友帶我去湖邊洗頭，用清水洗就算了，沖涼就怕凍... 只見有兩個屠夫係遠處暢泳，清洗一整日既血腥!
臨走前意猶未盡，用兩個小朋友一齊玩”片石",玩到唔願走，哈哈~ 高分低能既港女就教極都唔識⋯
![]() |
| 片石 |
晚飯也是將餸菜送到我住既蒙古包，無得同枱食飯體驗當地既文化真是一件憾事... 食完晚飯後，就準備透火瞓覺啦！ 透火係用糞便作材料，不過環顧方圓百里，又真係見唔到有樹木... 可見牧民既一頭生畜，甚至連糞便都有價值架！
用糞便透火時竟然唔覺得嗅喎! 返而聞到既係新鮮既草味! 不過糞便比柴快燒完，瞓著左又唔想起身加⋯ 而且又無被冚，只用自己d衫來當被用，所以半夜好鬼凍...
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
