(Day 2) 2012-03-10
住宿 ：Turistu Nakvynes Namai Hostel $60-LT行程 ：莫斯科 --＞ 立陶宛紐維爾斯
波羅的海寒冷指數:-11℃
![]()
早上0700起床,因為一陣要搭1140班機去立陶宛呀~早上係Hostel,同房既當地朋友整早餐時,仲整埋比我食tim! 真係好人~ 臨走前仲同我一一擁抱~
Hostel既出入口,無招牌普通民居一樣,知道點解尋晚搵得咁辛苦啦~![]()
今日要去既機場係Vnukovo,果兩個俄羅斯Roommate強力建議我坐的士... 我當然無搭啦！旅行用平民化既交通工具，先至係樂趣~
先係Hostel搭地鐵由7號線轉1號線,每個站都有站名,係月台對照返列車上既路線圖,好易睇! 唔似好似網上搵資料咁講,要記低同數住幾多個站架！
係一號線總站落車轉巴士,地鐵站內指示好清晰,連幾多號巴士係乜出口都有架！之後轉乘小巴611C就到機場喇！
去到機場時,比室外公園既雪景吸引,好靚呀~ 於是冒住零下11度既嚴寒天氣影相！積雪好厚，真的雪足深陷呀！埋左我半隻腳！影相時除左手襪忍痛影相~
![]()
去到check in時,唔知係迷呢個機場少香港人出入,特區護照去立陶宛係免簽證的,個地勤又唔信我,攪左好X耐,左查又查之下先到check in... 耽誤左不少時間,真係煩！之後去到passport control ,一如以往，習以為常地,本特區護照比人當假証,我又被當偷盜客喇!!! 被另一關員邀請入房•••
對我本passport左check又check,又話中國護照去立陶宛要簽證,我再次講明係香港護照••• 之後佢又問我去做乜?我迷話去旅行囉! 又問我有咩文件證明,我問應該出示咩文件呢？
其實我真係好有疑問! 特區護照剛剛係上年同俄羅斯互相免簽證,咁update既政策D關員無理由對特區感到陌生格?
攪左好耐好耐先放行,去返離境櫃台,個靚女關員再將本特區護照照紫外線機,照到D防偽特徵出晒黎,最後仲話Beautiful passport Tim... 唉...靚有鬼用咩... 特區政府再做幾多防偽特徵又有鬼用咩！
幾靚都比人當假架啦！
幾靚都比人當偷盜客...
幾靚都比人當做黑工...
總之係少香港人去既關口過關,真係每次用特區過關都總係"kick"既...根本D人就係唔識分特區同中國護照既分別,除左東南亞law... 上網都見到大把個案! 大把人比我更甚,有Blog友由摩洛哥搭船去西班牙,係摩洛哥離境時,就因為唔識睇本特區護照,總之就覺得係中國護照啦！話中國人無Visa係唔可以去歐洲既! 個關員講乜都唔理,最後要攪到打比領事同佢對咀先肯放行！
袓國同胞最叻去偷盜同做黑工,我都唔想咁講，但就係世界公認既... 不時都有轟動新聞,乜野貨輪凍死成貨櫃偷盜客,乜野易容術偷盜... 依家內地人每日不停幾百個伸請落黎,攞埋特區護照,佢地點樣用... 真係好難想像十幾年後,本特區護照會變成點樣囉... 會唔會同中國護照一樣,好多地方都無得免簽呢？ 當然啦,如果將來祖國真的強大,並唔係一小撮人有錢,可能全世界人都偷盜返中國都未定！
咁就最完美啦~ 都係果句，邊個唔想自己國家強大丫，你估真係想講呢D負面野咩！ 真係每次講都煩，不過呢D係我既行程點滴，唔寫唔得！
呢個行程用passport既問題特別多特別深刻，所以亦都比較多記下來,呢篇將會用”特衰護照”來描述特區護照!
之後又要安檢,仲要連鞋都除埋Tim! 個靚女職員係咁指住隻錶,同我玩咁提醒我夠鐘...我夠知洛！
攪到啱啱趕得及,坐最後一班既停機坪巴士登機...沿路睇到機場好似被冰封咁呀！我坐既係UT air,係每邊得兩排座位既螺旋槳飛機呀！(不過返到香港無幾耐,UT air一航班就係西伯利亞墜機啦!!!)
機程兩小時,就到達紐維爾斯機場,今次兩本都免簽,一於用BNO先! 真係順利到無人有,只係問左一句就放行啦！但係BNO屬於歐盟護照就無得蓋印••• 再一証明,唔係人種既問題,而係passport既問題囉！![]( "(waiting)")
![]()
冰封既機場![]()
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
