回憶之旅 -- 希臘 (一)
最後一篇回憶之旅
係我係結伴同行階段既最後一次旅行
亦都係我回憶之旅最想寫既旅程…
+++希臘之旅+++
其實係希臘之旅之前
係去過一次曼谷巴提雅五天團的
如果想以純為離港旅行既心態
經濟又實惠既泰國當然係最佳既選擇
但係我地自馬爾代夫之後
就一直想去D好靚既地方
不過有人未去過泰國
話覺得泰國始終都要到此一遊woo…
我都曾經勸過呢個人
之前去過大堡礁同馬爾代夫D咁靚既地方 ,
對泰國一定會不感興趣的…
最後當然係沉悶啦…
成日都離團 ,自己行街食野…
不過自泰國之旅開始 ,
我已經進入數碼相機時代啦!
去泰國時我架車只係落地無耐咋!!! 真令人懷念...
去到巴提雅都無興趣去珊瑚島 ,只係隨團去吓D廟宇參觀...
希臘之旅對於我黎講特別有意義
既是最後一次結伴同行 ,又是第一之踏足歐洲
而且是第一次自由行tim!!!
有好多人都覺得 ,
我地係旅遊既路途上掉亂晒次序
佢地話普通人都係先玩東南亞
但係我地就去完韓國後隨即去澳洲 ,馬爾代夫等地
返而泰國等東南亞等地就未去過…
其實好多人第一次自由行想必係台灣 ,
日本同大陸之類…
我地就遠走希臘!!!
點解呢???
咪又係因為成唔到團law…
於是我地就膽粗粗咁買機票去希臘勒!!!
第一次嘛~
當然plan得好好啦~
買左兩本旅遊書 ,plan定去邊去邊咁
就係因為咁 ,我係2003年9月就去左希臘lu~
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
