(Day 6) 2014-5-25
住宿：Sengdao Chittavong Guesthouse
行程：老撾琅橋
![]()
今朝先發現原來寮國慢一個鐘既！ 可能尋晚早瞓，7點鐘醒左，係簡陋房間都算熟睡； 諗住剃鬚先發現無帶鬚刨，連同帶錯鏡頭、係香港寮國領事館攞既地圖又無帶⋯ 可想而知我係幾無準備... 最後係隔離士多，用了$20-HKD 買了吉列鬚刨...
同屋主order左早餐後，就行落河邊欣賞美景，發現碼頭原來就係呢度，一間草屋就係office，有晒時間表，全部都1100開出；其間遇到一個法國人，見我部相機即時捉住我吹水，仲邀我一齊去猛曖Tim ! 雖然我都會去猛曖，但我呢d愛獨行既梗係婉拒啦～
返到民宿已為我準備好早餐，我叫了奄列同飯，嘩！飯既份量好多呀！ D飯係糯米飯，一定好飽！
尋晚去食飯時見有獨立屋住，價錢也合理，於是先換住宿，$70000-KIP（$70-HKD)，係一間傳統草屋，有露台望正樹林河景，我覺得呢個價錢簡直超值呀！
放低行李就開始今日活動，就係踩單車遊覽勒！ $20000-KIP/per day（$20-HKD) 1800前還車，但架車質素太差啦，踩極都好似唔係點去咁... 踩了半個鐘去到一個出名既山洞，要比買路錢$5000-KIP($5-HKD)，到山洞前必澗水而行，攪到其中一隻鞋濕晒… 去到山洞口遇到從後趕上，今朝見過既法國人及他女友，還有三個當地小孩開路Tim ~ 法國人話佢都租左車，但係電單車，只需$80000-KIP($80-KIP) per day，咦！ 又真係好抵喎！ 山洞內特別，尤為當漆黑一片時，轉過彎就又光線打落洞內，重見光明！
![]()
|
|
收買路錢既一家人，正在捉魚~
|
![]()
|
|
過河濕腳⋯
|
返出收買路錢既地方，中午時分，烈日當空，有成40°c 唔出發住啦，我怕會死！於是好似當地人咁，係個竹柵內躺下休息，涼風吹來又幾舒服喎～ 仲瞓著Tim~ 終於明白搭車沿途所見當地人點解咁鍾意咁樣瞓，因為天氣太熱什麼都唔想做呀！ 一hea就hea左差不多兩個鐘，其間有6-7個遊客入內，大部份是法國人，而當地人也有十多人，有D也有收錢噃！ 無聊看看登記名冊，以歐美遊客為主，法國人最多，竟然國內也不少遊客，全是自遊行過黎，可想而知內地人已喜歡尋找隱世景點了，香港人無乜個性，只去熱門地點，所以名冊內香港人一個也搵唔到！
![]()
|
|
左下：捉返黎既牙籤魚
|
等到1400時，終於等到有一點雲擋住太陽，於是就離開舒適既地方； 騎左一陣單車舊雲又飄走了...
真的太熱，路過一間當地簡陋餐廳食午餐先，即時買飲品同時見個女仔攞住杯冰水，我當堂好似雙眼發光咁，也要多一杯冰； 枝凍既檸茶，再加落杯冰度飲，係40°c高溫下真係涼透心呀！簡直是享受～
午餐係一碗湯雜菜肉大雜燴，唔錯！ 與店內一個仲讀緊高中既青年傾談，都係傾對遊客好奇既說話，仲話店內個女仔讚我handsome，原來佢話寮國女孩鍾意中國人，喜歡皮膚白，嫌當地人皮膚黑喎！ 哈哈～ 咁我直頭指住路過既老外，佢又話當地女仔唔鍾意喎！攪到我食日比個女仔望到唔好意思… 傾到最後佢指指後山，話風景好靚，仲開手機比左張相我睇，係咪絕世美景又未至於，但只需兩小時就可登頂不禁令我心動！望望隻錶1430，還來得及，於是即時返回還車，再行山！
上山前當然又要買路錢啦！$20000-KIP（$20-HKD) 於是一鼓作氣登山，上山前路牌寫1小時30分就可登頂，但我只用了半小時就行左2/3都達第二個，即最後一個check point，真係咁快！ ？指示牌講一，二兩個check point也需時45分鐘噃… 近40°c烈日當空行山真係對體能既挑戰，況且我之前已踩了單車；其實開頭行了十多分鐘已飽覽小鎮全景了，當時真想放棄，銀仔意志力就係最薄弱一環，我很少跑步，也很少見我係旅途上行山…
![]()
|
|
行呢座山~
|
![]()
|
|
中途已可見到既美景
|
當過了第二個check point後覺得好辛苦，雙腳好似唔聽使咁，也有輕微頭暈跡象... 大獲! 係咪中暑！？ 即時飲多D水同照頭淋先！ 休息一陣再出發，因為太多蚊! 去到差不多頂部都見唔倒瞭望台，條唔好似行去後山咁，有點猶豫行姑且行多一段之際，到啦！終於到啦！我用左1小時15分鐘咋!!! 辛苦換來既美景特別有滿足感！ 這裡可望到琅橋，也可望到另一面小鎮~ 難得見到既美景，當然享受一番啦！ 拍了照片後，見陽光高掛仍然猛烈，心諗這個時候應該無人上來吧（因為下面寫1600close)於是除剩條老孖曬係度瞓太陽，set定鬧鐘係瞭望台，感受山頂既涼風瞓番一陣先～
半小時後有人聲，竟也有遊人到，原來係一個正在讀year 1既新加坡青年”柱銘”但唔係姓李! 於是在瞭望台傾談一陣得知，這個旅程是他第一次出走咋! 並傾開兩地既狀況，原來新加坡人大都埋首工作，無乜時間去旅行，唔怪之我去旅行極少見到新加坡人啦! 於是欣賞多一陣美景後就結伴落山了～
落到山先係收買路錢既地方發現，呢個山頭原來佈滿炸彈地雷，叫我地不要離開小徑呀！ 你知有時山路小徑會消失要尋找的，回想剛才真係唔識死，打個噤寒…
行完即時再去嘆杯冰凍飲品先～ 晚飯約了新加坡人來我住宿度一齊食，$35000-KIP 之後再去佢住宿處黐wifi~
![]()
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
