回憶之旅 -- 希臘(八) Oia既夢幻旅館
黎到咁靚既地方,我地同機師先生佢地既唸法一樣,就係要住全Oia最好最靚既,價錢都唔係問題!
於是我地就去到當時全Oia最Top既旅館詢問,但係要成Euro$260一晚! 仲要full booking至一年後… 話就唔理價錢啫… 其實都幾貴!
返都香港先知呢間旅館經常上旅遊雜誌架~ 主要賣點係旅館內既泳池,能夠視線上與愛琴海既美景連成一線!
呢間就係當時全Oia最好既酒店勒!!!
於是我們繼續搵住宿,最後去到之前曾經參觀過既一間旅館,
呢間旅館亦都座落懸崖邊,分開兩部份,底部係有幾間希臘特有既洞穴式既浪漫小屋,上層係一間較大既獨立旅館;
個波蘭籍既職員好好人,帶我地週圍參觀,首先參觀最底層既洞穴小屋,旅面既裝潢極之浪漫,專為honeymoon而設,一踏進去大門便隨即感受到,全屋都瀰漫著濃厚既浪漫氣氛! 如果真的能和心愛既人在此小屋度過一兩晚,真的令人沒齒難忘! 當時呢D石洞屋好似要二百幾歐羅一晚!
底層其中一間 ,好有特色既洞穴小屋 ,個窿係通去浴室架~
之後參觀上層既獨立屋,就立即決定住呢間獨立屋lu~ 最大原因係價錢合理,而且環境絕不比洞穴屋遜色! 只是style唔同... 全屋既窗都有無敵大海景,包括廚房廁所,總共有兩間房間,而且連露台都有兩個tim!!!
係大廳對出有一個超大既露台,無摭無擋望正愛琴海既無敵大海景! 其中一間套房內有個露台望正Oia小白屋與愛琴海~而另一間房就好似洞穴屋咁有特色,其實閣樓仲有兩張單人床,計計吓其實可以三啤人住架~ 一晚住宿要Euro$230,兩啤人share,都只係百零蚊Euro! 我唸就算唔share,以咁既價錢都絕對係超值既!
我身後超大既露台 ,望正愛琴海美景!
露台除左正望愛琴海外 ,兩面還可以望到Oia既雪白般既建築物與懸崖峭壁
最後去到分房既問題,我地就用啤牌來抽大細,大既就瞓套房,細既就瞓細房,結果係我抽輸左...個機師先生仲同我講唔好意思tim~ 不過我就算抽贏左都仍會揀間細房,因為夠特色嘛~
間細房比較簡單,但較有特色,就像間洞穴房間 ,個頂係拱形,個牆身好似用紙黏土舖上去一樣,亦有個窗仔可以望到海景~
雖然抽啤牌輸左,但係結果仍然相當滿意呢~
機師先生佢地既套房 ,有個露台可以望到Oia最靚既景觀
我地間睡房
以下由麥兜帶領參觀我地房間 ,隻窗仔外既海景~
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
