澳洲 2001
係2001年既9月,係一個無意中既情況下認識左澳洲。 咦!!! 寫返回憶之旅先發現,原來我既第三次旅行已經衝出亞洲啦~ 真係開心~
點解話無意中呢! 事原原本係報左個馬爾代夫團 (因為馬爾代夫係我地心目中一直都係個天堂)又話一定成團,點之係出發前14日通知我話成唔倒團,激到我死!
當時既我同普遍既香港人一樣,唔敢買機票自己去,最後咪係第二間旅行社報左個同樣以陽光海灘掛帥既開恩茲,黃金海岸,悉尼8天團囉~ 不過我地無落悉尼,所以只係玩6天。
成團人好得意,一半係我地一啤啤既後生情女,而另一半全都係白晒頭髮既公公婆婆... 中年? 無喎!
講返行程,我覺得澳洲係暫時我去咁多地方最多野玩,同環境最舒適既地方~ 我地玩既活動係澳洲只係冰山一角咋!
熱帶雨林 ,坐當時係全世界最長既纜車
要天未光起身玩既熱氣球
佢地夾硬係一個遊客枱上 ,擔走一條成尺長既麵包 ,
呢群匪徒比我拍低左佢地既罪證
夢幻樂園既袋鼠
原來回力刀真係可以飛返黎架~ 不過我就飛唔倒...
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
