銀仔返黎後又要揀相，又要返工，又有世界杯，諸多藉口吓無攪個遊記⋯
之後又走失銀仔，最後好彩都係同一層既水錶房搵得噃⋯
近呢幾日覺得香港無望，無將來
，一係就盲撐，一係就盲反既兩極化，一睇個局就係殘局! 銀仔向來只講旅行唔講政治，只在遊歷中既所見所聞來睇返香港，其中有正面亦有反面，講得唔好可能會比人鬧係英國走狗，或五毛；不過依家就算唔想提政治都會比人鬧，連最基本既言論自由都無⋯
英國當年拋棄我地交返比共產政權，認命吧! 連界限街永久割讓既都一併歸還，認命吧! 中英聯合國聲明，基本法所列明既，認命吧! 香港係現今係中國既一部份，認命吧! 共產政權穩如泰山，認命吧! 我地係不折不扣既中國人，認命吧!
咁唔鍾意不如走! 正如有個爛賭父母一樣! 所以今日既亂局對香港心死下，正計畫提早退休，向呢個世界闖一闖，歸隱田園，要去外國用生活方式來體驗! 所以銀仔近排著左魔咁上網係咁search外國既農場⋯ 而且向外闖一闖，一直都係中國人既夢，你睇尋找他鄉的故事已知道啦! 鍾景輝成日講：「有土地嘅地方就有中國人，中國人營營役役，就係有一個夢⋯」
不過我地咁唔鍾意香港，但就有一群人好鍾意香港喎! 就係一班係香港定居既老外勒! 根據港女翻譯時成日同D外國人傾談所得知，原來呢班老外十個有九個半都好鍾意香港，當正係佢地既家，因為香港賺錢易，稅率低，交通方便等等⋯
有時諗，青春係用錢買唔到既，既然銀仔一直有個開Guesthouse夢，香港無可能實現就去外國吧! 五年計劃! 努力儲錢! 到時銀仔40,希望願望成真!
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
