近來真係無咩時間寫 blog ,因為又要返工 ,又要忙緊一D事
我雖然一直都係一個人住 ,但係終於置業安居啦~
所以近來或者未來幾個月會係忙緊呢D事 ;
之前睇樓我已覺得呢個單位有D親切既感覺
令我回憶返係希臘Oia住既情形
因為大家既共通點就係望海~
我已決定我既睡房設計成藍與白 ,成為個小希臘既空間 ;
所以之前計劃既秋季旅行就要順延勒
如果啱啱買完樓 ,減完阿媽家用
轉頭就話去旅行 ,實比阿媽摌到上天花板呀 !
==================================================================
而憂既就係家事
婆婆既病 ,衍生左我阿媽佢地六兄弟姊妹既好多問題
激到阿媽日日都唔開心
真係唔知點解有D人真係幾十歲人都唔化既...
繼婆婆既病 ,又接住公公有病
係cancer...
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================