帶著日記去環遊世界 ♥ 今次我地去歐洲玩啦◕‿◕

由小魔怪於 2012-07-17 00:00:00 發表 | 累積瀏覽 343

分類：

呢排有一個廣告我好鐘意睇,佢就係黑馬王子劉青雲既廣告真係講得好中又岩Point
由其呢句" 呀完....又要哂一哂,哂完又要美白"
之前我先講我d 手手腳腳已經黑左好多~
當然唔可以連個面仔都黑哂先架得嗎,雖則暫時我仲未出斑斑~
但係我都Keep 住有用美白產品既

不過既然我地要環遊世界,當然要頂住d 猛烈陽光架,
由其係夏天tim點都要搵d Mask 幫幫手急救一下先既
今次我地去既目的地係去歐洲,你又知唔知歐洲既特性係點樣呢?
我就會覺得係好浪漫既地方
而我今次想介紹既係美麗日記最新推出既雙膜組,美麗日記大家唔會陌生,
但係雙膜組就係日記最新推出既,
何謂雙膜組?就係一面係Mask 一面係凝凍啦~
而今次既然係歐洲之旅,當然唔少得令不少女仕覺得最浪漫既玫瑰啦

既然講得咁浪漫既Mask 當然要比下佢既真面目大家望一望既~~為你介紹"我的美麗日記-歐洲淨白無暇雙膜組 "

有別於之前既日記,佢一盒只有八塊架咋,唔好以為你個盒比人呃左呀!!!

既然講得係雙膜組當係一塊Mask 雙重享受啦,一個價錢可以將Mask 既精華更加吸收!

而家等我為大家開始拆解一下呢個雙膜Mask 先,咁就講下個Mask 先啦
老實講~係Mask 袋入面你唔會見到好多精華係咁滴滴滴~反而一拎出黎就冇精華滴出黎,不過個Mask 都仲有濕度既

等我洗番個面仔,敷個Mask 仔,發下同法國仔遊巴黎先再去米蘭Shopping 一下,再去倫敦睇奧運

今次個Mask 好似比起之前既日記Mask 以紙質為主不過更加薄身,更加貼面,不過係鼻翼位就唔算好貼啦,如果可以連眼蓋都有得敷埋就正啦:p

我而家去訓一陣先~我地半小時後再見啦

轉眼又半小時啦,我既歐洲之旅又完結左啦不如睇下呢個Mask 既效果又如何?
第一樣見到既效果就係我既眉心位冇紅當當啦,同埋仲係好多精華係面仔度,
最重要係我張Mask 仲係好濕~
所以我拎左黎查d 手手腳腳同頸d 位置~~不過我敷親d Mask 都會幾收毛孔

平時敷完Mask 通常都會直接咁訓教呀,但係今次呢我地要做多一個Step,就係要再查上凝凍啦,
或者你會問查上有咩用呀?其實查左就係可以將Mask 既精華梗加易吸收係皮膚上面

而我地呢款凝膠呱就係以玫瑰花蜜做成既,所以顏色方便都係以啡啡地色既~
我自己覺得可以當你敷緊Mask 既同時將呢包凝凍放係雪櫃,
因為我覺得係夏天敷Mask 當然想涼浸浸啦
同埋當雪凍左既Mask 都可以幫助收緊毛孔架,既然凝凍可以幫助吸收,
同樣都可以收緊毛孔既~

雖然當敷完Mask 之後加上凝凍你個面仔真係會幾痴淋淋,
不過佢吸收其實好快,大約5-10mins 左右你已經唔會覺得有痴淋淋既感覺
你就唔洗擔心會怕訓左教個陣,個頭髮同枕頭袋就Hight 哂野啦

小小總結: 記得美麗日記由早年進軍香港市場開始,亦不泛Fans 既擁戴,
連我呢個懶鬼也曾網購了不少它家的Mask,不過而家各大既個人護理店也引入了不少台灣的,
韓國,日本的Mask ,始終什麼也要進步,就連Mask 也要進步,
今次除了日日也要美麗,仲要帶住美麗去環遊世界
我覺得今次呢個雙膜組其實也不錯,除左佢個Mask 薄身左,
仲更加貼面,仲有唔洗次次單單得一個Mask ,
之後個樣仲係濕淋淋咁,而今次日記除左雙重美白效果之外仲會可以加快令皮膚吸收,
仲唔會攪到成面痴淋淋tim,個面仔仲好似滑左咁啵:p
我見到係萬寧賣緊$60/盒,而Sa sa 就係$58/盒~
有興趣既朋友,除左歐洲之外仲有其他六大洲架~快d 去揀下

希望你地都喜歡我今次既介紹!!!

**以上產品資料由廠商提供,以上內容亦只是個人意見不代表所有人**