0

平民素食西餐Pizza小店 - 常嚐素

芙芙 於 2013-05-07 01:26:37 發表  |  累積瀏覽 525

分類:餐廳 ;地區:屯門
素食西餐同我地的關係,就好似以下的一句句子咁:
「這麼近,那麼遠」。

之前介紹過印度素食的烹飪班,今次要介紹薄餅素食小店啦!
其實素食西餐廳香港都有,不過次次睇雜誌介紹,
唔係中環就係上環,想搵間平民版的素西餐食下真係好難呢!

早前有朋友入左黎屯門,因為朋友係食素的,
所以我邊等邊搵屯門有咩素食餐廳,無意間俾我搵到間食西餐的素食店「常嚐素」,
眼見openrice無咩食評,但都想試下(難得咁近有間素西餐呀ma!)。

一去到呢間餐廳,原來係一間pizza外賣店,
當然都可以堂食,但座位有限,
而且只係小枱仔,想坐多d人十分有困難呢,
如果一班人想試下,建議買外賣啦。

我地叫左個二人餐,每人有一件pizza,
呢間店有樣好細心的事情,就係在櫃台貼住左一張"素芝士"的告示,
話俾客人知道唔駛擔心芝士的來源,呢度用的芝士係無凝乳劑gei。


薄餅餅底好軟熟,而且個底有d脆脆地,
同某些薄餅店的pizza有過之而無不及,芝士味好香!

一人可以再叫多一個意粉/飯,呢個係芝士焗素豬排飯,
素豬排口感都幾似真豬排,不同之處係素豬排比較軟身d,
不過可能太多茄汁的關係,我覺得有d太酸。


白汁野菌長通粉,汁料好濃郁,
散發住磨菇的香味,味道適中唔會好淡!


磨菇忌廉湯,一樣係好濃郁的磨菇味,
磨菇真係好香,個湯飲落唔會好咸,
味道好真實,不似罐頭味精的朋友。


真係估唔到一間小小的店子,素食的講究除左無肉之外,
就係要用料新鮮不多加味精,讓客人食得健康。

我搵左半日素菜餐廳,原來咁近有一間,
仲未講大家知,呢餐我地一共只係食左$68 ja!
好抵食呀!因為我地係晚餐時間食ga!

雖然呢度的運作似乎好有心想推廣素食主意,但似乎職員唔夠呢方面的主動,
我好欣賞櫃台的素芝士紙仔,呢樣野真係好細心,
不過職員們可能太年輕,大家都好有禮貌,
不過就少左一份積極,店面少本來可以係一個優點,
就係借機同客人感覺close一d,講下素食呢個主題,
傾下計令客人有歸屬感,下次再黎幫襯機會都大d啦(如果做到真係一舉兩得呀)!

鐘意SeeWide的分享,給我們一個Like吧!
  • 攻略日期:N/A
    攻略地點:屯門
  • 攻略時間:N/A
    是次消費:N/A
0人比"掂"

最多能輸入300字

累積瀏覽 167676

全部攻略 171

全部回應 26