探險家攻略 > ღ 我找到了‧ 找到最適合我這種懶人必需的御妝水- Collstar ღ

ღ 我找到了‧ 找到最適合我這種懶人必需的御妝水- Collstar ღ

由小魔怪於 2012-08-22 00:00:00 發表 | 累積瀏覽 481

分類：

唔知你家中有幾多枝落妝產品~
認識我既朋友都知道小妹我番工係唔會化妝架~
你見到我化妝既話,証明係有重要既地方要去~
所以同事們一見到小妹我化妝就知我當天要去街街囉~
或者你會覺得我都唔化妝~最多咪得一枝落妝產品係屋企
其實我家最高紀錄是有五枝落妝產品單單落眼/咀已經有2枝~
雖然而家已減至3枝在家~
但係今次我真的不得不介紹我找到一枝岩哂小妹既好用之品

或者我問你最方便最好用既落妝產品你會推介邊隻?
我想也大部份朋友會介紹我用"紅水"
唔知你知唔知咩叫"紅水" 說真的~我真的是近幾年才認知什麼叫紅水
但係雖然其他人怎說紅水那麼好用~那麼方便~
對小妹而言~我那一枝用足兩年都未用得哂
因為我只覺得它對我的皮膚實在太乾了~
即使我也有用它來做導水~仍然做不到朋友說的可以導出面上的Dirty 東東嗎

這麼好用的東東,用到我呢個麻煩友上真的沒有效~
但係今次我試左一款新既御妝產品功效可以同"紅水" 有得揮
它就是"Collstar全新潔卸妝水"

有睇開小妹既Blog 既朋友~應該對Collstar 唔會陌生
因為小妹也曾介紹過它的另一件好品吧~
就是"豐胸緊緻水凝乳霜"啦
想知究竟佢又有咩咁神奇~可以按我回顧
真係好想試埋它家的廋身按摩膏耶~~

先為大家介紹少少呢枝卸妝水先,每枝有成400ml架~
以免沖洗作卸妝為主打,仲可以用於眼部及咀咀tim
最最最令你估唔到~就係佢都可以幫助你面部排毒架

個樽口絕對唔大~咁就唔洗擔心一倒~就會倒左好多出黎哂左啦

講左咁耐?不如睇下我既親身示範究竟點解小妹會咁大愛呢?
首先比一個以彩妝產品畫係小圖比大家睇下
畫功唔靚唔准笑XDD
圖解左先,首先係呢由小圖上面我使用D 咩彩妝
包妝底層既bb Cream (Missha)
眼眉部份(Alissi Bronte睫毛液)
眼影部份(雜牌)
眼線筆(Kate)
胭脂(MJ 小杏餅)
咀咀(Kiehl's 唇彩)

咁肉酸既畫功當然唔可以留係手度咁耐啦xdd
共同於~大家既妝容番到屋企就好快d 落妝沖涼啦
我自己就通常用呢d 液體狀既落妝產品就會將化妝棉倒二下~

而份量我就會倒大約5蚊銀既大細左右
因為我覺得太多或者太濕既話~其實冇咩用之外,
仲會好易令化妝棉爛同埋抹又唔會特別乾淨過人~

係抹走我既醜圖之前,我用左我倒既化妝棉抹左自己個臉先
其實而家收左工我都習慣左會用爽膚水抹一抹自己個面
因為公司實在太大塵啦,一早抹左唔會導致皮膚分秘過多油脂啦
你望下~我用左呢個卸妝水一抹~真係嚇鬼死人囉~
你睇下黑到呢~~不過我抹完之後~臉仔竟然唔會Feel 到乾爭爭啵~
仲Feel 到好清爽呀~~
(以下絕不是藏有任何彩妝成份-口-只是面上的灰塵而且)

好啦~~抹圖畫啦~~~抹左一下~
大部份的彩妝已給水水抹走了~~
除左眼線同埋睫毛膏未比完全清除

最後我用左兩張化妝棉~前後抹了四次~~
手手乾淨哂~~仲好似變白左d 啵真係~~手部皮膚仲有點水水的感覺~~爽爽的不錯唷:p.

單單玩手~我知一定滿足唔到你既胃口~
因為我當日試左個睫毛液~係隻眼上面敷左30秒左右一抹~
所有睫毛液已經完全冇哂~~呢枝水水真係堅得

唔知你又對我今次介紹既呢枝卸妝水有冇興趣呢?
係全線Sa Sa 有得發售,有興趣既絕對可以去選購~
小妹真的大愛呢枝咁正既卸妝水~
雖則呢排我真係冇試過用成面化妝再落妝
所以或者今次試用唔算太認真~
希望大家也會見諒小妹~
但係我真係覺得呢枝係好野黎架~~~
希望大家都會喜歡!!!

如果你想留意小妹既文章，又想留意下小妹既近況~
歡迎給小妹一個Like ~絕對希望你來我的專頁談談天

◕‿◕歡迎聯絡小妹出席品牌活動‧邀稿試用
電郵: man_man811@yahoo.com.hk
Weibo: http://www.weibo.com/siuangel
Facebook 專頁: http://www.facebook.com/angelbabyhome