探險家攻略 > 【我們的情人節2012】火辣辣曼谷之旅の Day2 瘋狂地食食食食篇(中) ◕‿◕

【我們的情人節2012】火辣辣曼谷之旅の Day2 瘋狂地食食食食篇(中) ◕‿◕

由小魔怪於 2012-02-23 00:00:00 發表 | 累積瀏覽 430

分類：

Day 2 行程: 酒店早餐→ 翟道翟跳蚤巿場 (JJ W Market)→Amarin Plaza→Big C →Swensens雪糕屋→
Central World →番酒店→MBK→SIAM Paragon→TIK Spa

上集講到...我打算去食番Day 1食唔到既雞飯.....
點知...我點半去到,佢已經...休息緊啦....
我同男友都覺得佢係做到曼谷既飯市就休息架啦,上次黎個陣都唔似咁早休息架...

男友見到我好唔開心既關係,就有以下對話啦~
男友話:[我同你食第二樣野啦,好冇?]
我話:咁去食咩呀?
男友: 帶你去食你最恨食既野

跟住男友就帶住我去住Big C 入面既Swensens雪糕屋啦,點解佢會話帶我食我最恨既野呢...
詳情請看回我三年前的08年曼谷之旅Day2 (不過入面有d 相唔見左,死左圖)
其實係第一次同男友去旅行個陣已經愛上呢一間雪糕屋架啦.....
上次男友都好似都唔多願食咁....最後我地個次旅程係冇食過雪糕火鍋架
所以今次去旅行前已經同男友講左今次係一定一定要去食雪糕火鍋!!!!!

一坐底,第一時間就當然要睇下D 餐牌先,開頭一睇唔覺得有問題~~

見到啦見到啦>w< 我最愛既雪糕火鍋呀!!!!!當諗緊要四個球定係九個球個陣.....

男朋友已經決定為我叫左九個球啦不過又係時候揀味啦,又有選擇困難症啦...
加上我發覺我本Meau跟本就係泰文黎既,點估到佢係咩味呀,當我問男友呢隻係唔係呢隻味個陣..
男友就話係呀,佢完全對答自如....原來佢個本係英文版,我係泰文版.....
佢就話: [人地以為你係泰妹呀!!!!]
真係想講一聲頂......
點解我咁恨食呢個雪糕火鍋呢,就係因為佢.........只係$285B 咋...約香港$72咋....
你話你係香港食唔食到先XDD

真係好喜歡曼谷既人好好禮貌,我地兩個一坐底就已經飲哂杯水咁濟...
但係佢地好快手就幫你加水,仲好好笑容!!!真係又食得開心又食得舒服

坐左一陣,終於有得食啦....好興奮呀減肥大計....放底先啦!!!!
我黎啦.....雪糕火鍋肥就肥啦,食左先算啦.....

不過可惜既係...今次火鍋冇"立"燭囉,可能係呢度少D 人食呢隻火鍋啦...
比大家睇下我地揀左既雪糕先,今次我地主打既雪糕都係以酸系列,真係好好食呀>W<
不過真係好快溶囉...食左唔夠15MINS就已經開始溶哂啦....

食完雪糕之後,男友同我過去Boots 幫表妹買野,我發覺如果大家係有心水既產品,記得要print 底個圖啦
我今次幫表妹買野個陣,自己行左一轉都搵唔到...直到要拎份野出黎先搵到表妹既野!!!
行完Boots 就過對面既Central World 啦,係呢個時間我又做左件八痴事....一陣講比你知點解我又有八痴事啦!!!

我第一站就上左去5/F 既 ZEN,想望望之前我爬文既女仔講既WorkShop, 可以自家決定要幾多棉花整隻公仔

不過最後,我都係冇買到.....係有D 唔捨得架啦,但係整一隻公仔都已經$800B 啦(約港紙$200km)仲未計買個D 衫仔鞋仔呢?
我睇過D 衫仔,但係件件都起碼$400B (約港紙$100左右)其他我都已經唔敢再睇啦.....
同佢地影番張相仔留念先啦.....或者有機會...我會係第二度買你番屋企架!!!

跟住係對面既專賣Kitty & Friend 既鋪頭,本身有諗過買個地區限定版電話繩,不過都成$70港紙呀>.<

所以行左陣就打算去搵個FoodCourt啦,上到最高既7/F 係見到好多好多既餐廳,但係唯獨唔見左個
FoodCourt啵...
男友話應該係呢度架啵,我話之前黎個陣都唔係咁既樣架.....
我地兩個就不斷係7/F 咁不斷係度講緊呢個問題,男友就因為我死都話唔係呢度既關係,,,
就係咁,我地就係由地下行番上去,逐層逐層咁去搵....直至我地望到個水牌!!
原來真係係7/F 架,咁我地當行到3/F 就放棄再去搵啦XDD 直衝上去7/F 再去搵個FoodCourt 啦!
點知...根本FoodCourt就係我地面前,原來FoodCourt就係超市入面架,所以唔好比個表面呃到...
想找找小魔怪?歡迎來以下地方找找我

E-mail: man_man811@yahoo.com.hk
My Blog : http://blog.yahoo.com/siuangelbaby/
AngelBaby。 In The Beauty World | 宣傳你的專頁

============================================

感謝小魔怪提供以上資料

小魔怪的網誌: http://littleangelbabe.blogspot.hk/

============================================

鐘意SeeWide的分享，給我們一個Like吧！