經過1個月既Summer Holiday~~我終於搵到1份新工,如果朋友們有睇我既Facebook,應該都會知既,
我而家份新工就係番大埔區既『遵理學校』,大埔區既朋友可以得閒黎見下我架xdd.
咁雖然人工又唔係好高,但係如果講近,又係我做左文職咁多年入面係最近既1份,
但係但係.......雖然叫做文職,其實我都係坐counter.....
呢份工就有好有唔好,好既....就係番8粒鐘,番大埔,最重要最重要係.......超Hea....
但係唔好既就係..唔係番寫字樓時間,輪班制,仲有係紅日都冇得放,除左呢d之外,就係要番6日啦,冇得放星期6-日~
真係好唔懶.除左呢d之外d時間暫時對我黎講真係幾唔知點,讀書又讀唔到~雖然我唔知佢遲d 會唔會比我番早
最重要1樣就係.....太hea啦....
番左3日工~頭2日真係悶到想死呀!!!!1黎自己又唔識做d野啦,2黎~~習慣左忙既生活.突然要我日日坐住度發呆,好難過d時間
到左今日冇左個煩女仔係度,少左個人~少左對手,d野都可以自己做下...所以我都覺得今日d時間好過d...
我本身考慮緊仲做唔做落去.....但係身邊既人都係同1個反應...
人:點解唔做?
我:太hea囉~
人:下..你真係有病...hea又唔鐘意,唔通你鐘意比人鬧,日日開ot,忙到癲左先鐘意
除左1個最了解我既好姊妹~~~
佢第1時間話我覺得你搵第2份工好d~~你唔岩做d咁Hea 既工...
但係....有個人又講得岩,而家呢份人工又可以明Hea,又準時,又唔辛苦~係d時間亂d,冇咩唔好.......
所以我有打算做左1個月再決定啦....
============================================
感謝 小魔怪 提供以上資料
小魔怪的網誌: http://littleangelbabe.blogspot.hk/
============================================
