說清楚．．．

其實我都知道自已脾氣好差好易發癲

成日要人地跟我個套去做

由其我男友都受唔少我既脾氣

好似今年佢生日．．．

因為佢要做野所以....放唔到假我就黑佢面

我成日都怨佢....呢2年入面真係冇驚喜冇浪漫

我想情人節收花...佢就應該唔值唔會送

我想生日收份特別既禮物....

收到既雖然係名牌....但係我真係唔多開心

我話想要對情侶介子....佢話要買就買隻有石既....

其實我想要既.....只係少少心意

但係佢永遠都唔識.....我對佢講左都唔知有幾多次

但係佢依然唔明咩叫有心思既野...唔知咩叫驚喜同浪漫

前日係扯扯生日...我睇到佢男友為佢生日帶佢去台灣.....送本書比佢....但係本書係1個月前己經整.....或者內容未必好靚好完美.....如果大肥肯為我咁做...我會喊死....但係佢唔會....佢亦唔識

同左2位朋友傾過......發覺大肥係一個木頭人....係一個推一推郁一郁個種男人.....我睇完扯扯個blog 我真係好恨.....點解我會有個咁蠢既男朋友....2年入面....冇試過為我準備過驚喜既生日....

第一年....因為要開工我自己過

第二年....行街睇戲食飯

今年.....我決定講定去迪迪尼....唔係又係行街睇戲食飯

呢2年入面.....大肥送比我野大多數都名牌....佢覺得買呢d 野係可以係我身上用到...但係有時佢真係唔多清楚我自己....因為我真係唔係太帶飾物既女仔....但係佢送比我好多野大多數都係飾物

直到琴日...我真係好嬲好嬲....我真係好想發佢脾氣.....但係番到樓下見到佢咁攰咁無助既樣我又真係嬲唔落仲要好心痛....

直到琴晚同佢傾電個陣....我決定同佢講清楚我想要既野係點

唔.....琴晚講完個人係真舒服d .....我真係好想你知道我要既係咩

你都唔想我下下都發哂癲咁...希望你真係明白

============================================

感謝 小魔怪 提供以上資料

小魔怪的網誌: http://littleangelbabe.blogspot.hk/

============================================