0

你有你講,我有我堅持 (附枝竹炆雞脾肉食譜)

芙芙 於 2012-11-24 15:50:08 發表  |  累積瀏覽 382

分類:主菜
話說早幾日拍賣成功賣出左一件貨品,俾人壓價壓左兩次,
諗住算啦,平平地都賣啦,
點知賣左件野幾個鐘之後,o個個人打黎話要退錢,
成件事真係好多問題,令我好壞擬個買家!

第一,o個個人睇左件貨品好耐,
仲要壓多一次價先買,我地都算啦,
點知幾個鐘之後,仲要打黎鬧我地,
話件貨有問題,話崩左喎!
仲話我地事前無講到件貨係崩gei,大佬呀,
件貨根本都無崩,點樣同你講有崩呀?

第二,事隔幾個鐘頭打黎話要退錢,
我好懷疑件貨品有無俾人調左,而且唔係平野,
大家睇清睇楚先買ga ma,點會睇左咁耐,
買左之後先黎鬧?仲要話件貨有問題?
你話我寄俾你就話jei,但我地係面交ga喎!
仲要睇左好耐,壓多次價先完成交易!

第三,我好思疑o個個人係買左之後,
想賣返出去賺錢,但發覺賺唔到幾多,
於是後悔,就亂話我地件貨有問題要退錢,
因為如果真係我地有問題,理應會好不忿咁留bad comment,
但個買家無留,而且無再打黎要求退錢。

講真我都幾嬲下,最嬲係屈我地件貨有問題,
講到我地好似呃佢地咁,老實講我地賣件貨品出黎,
唔包大家會投資成功ga喎,你岩先會買ga ma!
所以我地唔肯退錢,退錢即係我地唔岩,
而好明顯個買家係想靠惡,嚇到你會退錢,
但我地係唔會向惡勢力低頭ga,因為實在太過分啦!

講返今次o既食譜先,登登登登!

枝竹炆雞脾肉


食譜

材料: 雞脾肉、枝竹、豉油、鹽、糖

1. 將雞脾肉切件醃好,備用。
2. 將雞脾肉煎到半熟,加入枝竹兜混。
3. 加豉油、鹽、糖,加水炆熟。
4. 加生粉水埋芡,喜歡可以加老抽讓色澤變深。


因為無南乳o係度,如果用南乳炆仲好食,
其實我好少用老抽煮野食,因為覺得d色好深,
都係覺得原始色健康d,呢樣野我有d堅持。

鐘意SeeWide的分享,給我們一個Like吧!
  • 攻略日期:N/A
    攻略地點:N/A
  • 攻略時間:N/A
    是次消費:N/A
0人比"掂"

最多能輸入300字

累積瀏覽 167661

全部攻略 171

全部回應 26