寫到行程第5日啦~~
主要POST 返D 相
今日行程其實冇乜新意, 有o的之前都去過,
但唔相干o既, 有時同唔同o既人去旅行有唔同感覺
相信小齊最認同,
今次同表哥表弟一齊去旅行,
充滿歡樂
比起上次o黎同我地幾個"老人"玩法唔一樣
一起身食個靚早餐
可惜o既係今日都延續左昨日o既壞天氣,
大霧又有雨
離開民宿之後其實有一留躊躇, 唔知去邊好?
清境落雨, 但咁快落山又好似乜都冇玩過...
最後都係照原定計劃去青青草原
但天氣係咁~~
能見度頗低呀~
我地要o係霧中搵羊
舅父又好勇咁去餵羊
表哥, 表弟都好大膽
最細膽o既人係邊個?
都呼之欲出...
騎上馬背(仲係迷你馬) 都已經爆喊話唔敢
表哥就唔同呢
表弟都好ok!
小齊就要攬實大人
d 羊行近d 都要喊~~
有o的強顏歡笑
後尾天氣好彩變好左d, 起碼能見度都提高左,
呼吸啖空氣都清新d
再一次o黎到青青草原親近羊咩咩,
但今次感覺係小齊最驚o既一次
年齡長了, 膽量可沒長
應該係似我吧, 我咁大個人都唔係好敢接觸呢d動物的
到遠離羊群差唔多離開時小齊先展露笑容
大概12點就去食午飯, 婆婆又話要去老英格蘭莊園,
反正我地都冇更好o既提議就o黎啦, 第三次到訪了
小齊今餐只飲左湯同食甜點
主菜佢食左一兩啖而已, 一直以o黎我都可以只叫一份餐同小齊兩份食
但係我都冇因為咁瘦到, 因為佢食得太少, 仍然等於係我食晒!!
舊地重遊, 又一年了, 小齊長高了一點~
食完飯同表哥表弟舅父o係門口玩
睇下幾時有機會再o黎~
同小朋友一齊好難合照
從清境落山之後我地去多左一個景點 --
埔里紙教堂
算係一個不大o既園區
傳說中o既紙教堂其實並不太"紙",
但風景都算唔錯,
而附近冇乜o野行的,
如果時間特多/順路都可以考慮一遊, 否則唔駛特別編入行程
夜景倒是不錯 (取自yahoo圖片)
入場費100新台幣可在園內飲食抵折用
一場o黎到同小齊周圍行下影下相,
hea到夠時間就去機場
小齊真係好鍾意痴住表哥, 人做乜佢做乜
小齊見表哥攬住又要試, 但上去就勁驚,
睇下表哥幾悠然自得, 兩個o既表情真係相映成趣
我地坐晚機返香港, check in 完d 舖頭都收得7788
好彩呢個小型閱書閣仲開放,
今次o黎台中新機場真係大大改觀,
設備提升超多
好似呢個閱書閣真係太讚!
等上機有乜好得過睇書
旁邊仲有得打機
d 繪本都仲幾新淨, 係咪因為隔離就有機打o既關係?
台灣o既閱讀風氣咁好睇o黎都係自小培養
有d 繪本小齊都睇過, 但未睇過o既仲有好多好多
小齊o係台中機場巧遇KV 同學仔, 大家都係搭同一班機走, 真係有緣千里!
全部行程完~
是日靚衫: Microbe, Gucci Kids, Burberry Kids, Ralph Lauren Polo, Lelli Kelly
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
