「未加煙稅之前，一條（ 10包）私煙賣 270蚊，家加咗 50賣緊 320蚊，但就明顯出多好多貨，賣到差啲返唔切。講真，政府越加價（煙稅）私煙就越好賣，都係多謝財爺！」化名「阿龍」的私煙販子接受本報記者訪問時說。
好賺過十小時最低工資
「（加煙稅後）我多咗幾百個客，平時攞
開大批貨嘅客最近都密咗入貨，平均每星期入三、四次，每次要成幾百條，佢哋話有新財路，請埋車手出去用私煙換真貨，可以賣成
40蚊，仲大把人爭住要咁話，『鬼煙』每包平成 10蚊，又唔使自己犯法，又可以食到香港煙，何樂而不為啫，一定多人買。」阿龍說。
違法賣私煙，
阿龍辯稱搵工難，「就算搵到，都難以養活一家四口」，所以寧願鋌而走險：「海關我梗係怕啦！啲客有時會自己攞貨，有啲攞得多我咪搵人運畀佢囉！打份工做極
都係得幾千蚊，明知犯法都要做，要生活有乜辦法！」他說，最低工資 28元，做足 10小時，賺的可能還少過賣兩條私煙。
海關統計顯示，去年撿獲私煙數量為 600萬支，較 2009年激增兩成半。根據現行法例，處理、管有、售賣或購買私煙均屬違法，一經定罪，最高可被判罰款 100萬元及監禁兩年。
蘋果日報記者
============================================
感謝 羊狼二世 提供以上資料
羊狼二世的網誌: http://contact_ching.mysinablog.com/index.php
============================================
