而家好多人都覺得:差唔多加完啦卦?
但...我...我...覺得都未係加完喎?!點解咁講?要由格林斯潘講起.話說呢個人係心理高手嚟.最叻係故弄玄虛,一直以來不斷有技巧地引導巿場情緒和心理預期,背後目的係巿場風險管理.
咁...呢次都一樣.每次新出爐既FED會議紀錄都會刪減一些字眼,例如乜乜,乜乜乜(懶得寫)...結果大家都以為「就加完架喇!!!」.但呢個只係心理技倆,盡量防止巿場情緒突然崩堤.每一次加息都要呃鬼晒D巿場參與者,等佢地以為呢一次係最後一次喇.大家都信以為真既時候,就會對明天既股巿多一點點信心.咁既話,加息對巿場既衝擊就會減到最低(呀,扯遠少少,加息唔係為左壓抑資產價格,而係為了維護美元價值,不過呢句講左好多次了).我懷疑FED呢班人好驚八十年代以來人為延長既大繁榮將會結束,隨之而來係一個史無前例既大蕭條.(呢個係已經有人提出嚟既野,但我唔記得係邊個講既...同埋,呢種言論已經變成類似2000年係世界末日呢D無人會相信既野)所以會好努力咁...霖住班巿場參與者.
咁耐以嚟,巿場對美元既信心從未恢復,美國在貨幣信心戰既泥沼裡面只會越陷越深.加息周期完結?太早了吧.唔......不過而家既時勢對我而言,比起三四個月之前更加朦朧.我對各國央行既加息行動,亦越來越看不懂.所以請原諒我好不負責任咁講句:真唔真?唔知喎!我斷估之嘛!
下一次和大家講講波幅和風險管理既關係.我個人覺得呢...風險管理才是於股巿中長久立足之道,相反,眼光及見識是其次.
伸延閱讀:
(免責聲明：本文不構成投資建議。閣下作出任何投資決定前請三思。)
============================================
感謝 羊狼二世 提供以上資料
羊狼二世的網誌: http://contact_ching.mysinablog.com/index.php
============================================
