2011年廣州、古鎮、海洲、荷塘4天歎美食之旅-day1

今次我們一行8個人去廣州、古鎮、海洲、荷塘4天飲飲食食之旅，點解會去古鎮、海洲、荷塘?因為老婆的同事提意去她 鄉下玩，我們兩公婆很榮幸可以黐住她去，整個行程雖然無去什麼景點玩(因為落雨)，亦食不到什麼特色的食物(因為特色的食店還未開市)，不過就體會到她們 一家人的熱情款待及溫馨.

特別鳴謝:Connie及她的老公及家人、食得很咀刁的四眼同志(她細佬)、李老闆

我們早上11點在上水食個早餐先，然後一行6個人就出發去羅湖

之後買了12點34分去廣州的火車票

每人有一支西藏冰川礦泉水送，日日飲這牌子的水就會身體好(真係太誇張的宣傳標語

突然四眼同志個老婆拿了一袋柑桔出黎請我們食

賣相幾靚仔幾吸引的

柑 桔肉幾甜，但就少汁，之後我多咀問了這種桔幾多錢的？她話$10蚊，我話抵啦hahahaaa，然後她話係$10蚊一粒啊，我即刻(O)晒咀，唔係 掛？$10蚊一粒?咁貴既野我真係食唔起啊，問真些原來產地係日本鹿兒島的，因為四眼同志係在北角開生果店，專賣貴價生果架......

火車很準時地開動，大概1小時15分鐘的車程就到達廣州

然後我們搭地鐵3號線到石牌橋站，在B出口先到華僑友誼酒店Check in，之後就出發去食午餐

在酒店對面就係炳勝，之前都黎過幫襯一次，我們點了真味雞半隻、魚香醬長豆生炒魚扣、冷水豬肚、豉油皇鵝腸、大頭菜撈雞絲三味豆腐、蒜蓉炒西洋菜、生煎包半打、金沙湯圓，埋單$314蚊.

真味雞:雞肉係幾滑，但雞胸部位就好粗糙，雞味偏淡

魚香醬長豆生炒魚扣:這碟真係炒得很野味，魚醬濃得黎唔會很鹹，豆很脆、魚扣又夠爽口，好美味

冷水豬肚:豬肚唔知係咪浸得太耐，令到無晒應有既味道，同埋肚肚口感很一般，醬汁有點偏鹹

豉油皇鵝腸:呢碟係這店必食之一，鵝腸夠晒爽脆，味道很出色

大頭菜撈雞絲三味豆腐:豆腐超滑滑，最衰係大頭菜唔夠多

蒜蓉炒西洋菜:西洋菜都算嫩，唔錯

生煎包:個包大厚喇，餡又少

金沙湯圓:賣相幾討好架

真係幾流沙架，奶黃又夠香及唔太甜

單據

食飽後就搭地鐵到公園前站，在北京路出口

呢條北京路係很旺的，我們慢慢行下街消化一下

講到自已的蘿蔔牛雜很出名

但願行到咁近都聞唔到香味，同埋蘿蔔多過牛雜好多，牛雜又勁碎喎，吸引唔到我們幫襯

這條路有留下千年的遺址，又宋又唐又明代喎

明代拱北樓抱鼓石

我們一直行到尾見到條十字路口就轉左行

這檔九十多歷史的老店，始創太爺雞，門口都有人排隊買野，但吸引唔到我們

終於行到我們的目的地，就係達楊原味嫩品，門口真係勁多人在排隊架，加上舖位勁細囉

價錢超級平啊，9至16蚊都有交易

我們很醒目地搶先霸了張檯，然後點了淮山杞子燉水鴨X2、土伏苓燉老龜、淮山杞子元肉燉水魚X2、淮山杞子燉野山雞

淮山杞子燉水鴨:水鴨湯超級清甜，鴨味很濃

土伏苓燉老龜:睇下材料絕對唔少的，有咁多材料的湯點會唔好飲

淮山杞子燉野山雞:無飲

淮山杞子元肉燉水魚:我最愛的水魚湯，咪睇細細碗啊，d水魚肉都有幾件，湯又好飲

連四眼同志都話非常滿足，好彩我無介紹錯姐，雖然室外溫度都幾凍，但飲完這個湯後成身都暖晒，超正

之後我們慢慢行去海珠廣場站B3出口旁的廣州檳館，裡面三樓的銀燈食府，但去到竟然要等位，這酒家地方都很大的，晚上七點幾還要係閒日都咁爆，認真誇張，可能係就黎夠鐘飲夜茶的關系啦，因為廣州人比較喜歡飲夜茶的

經四眼同志不停煩擾門口個職員後，終於特別加一張檯俾我們，安排在魚缸隔離，不過我喜歡啊

之後我們點了海螺片雞汁浸雲耳、金牌石焗雞、啜指手抓骨、豉汁蒸黃骨魚、生熟蔥撈肚尖、鑊仔鮮貝煮皇帝菜、響鈴芝士鮮蝦卷、綠茶桂花糕，埋單$345蚊

海螺片雞汁浸雲耳:海螺無乜特別，但雲耳及蟲草花都好爽脆，加返唔少分

金牌石焗雞:隻雞的味道有點酸酸地，古古怪怪

啜指手抓骨:超級普通的豬脾骨

豉汁蒸黃骨魚:黃骨魚係游水的，但蒸出黎的效果很一般，有泥味

生熟蔥撈肚尖:呢碟更加古靈精怪，好重日本芥辣的味道，豬肚片到好薄，完美唔似肚尖，加上份量少又用枝竹黎扮，失敗

鑊仔鮮貝煮皇帝菜:沒特別

響鈴芝士鮮蝦卷:完全響唔起，咬落都已腍晒的，似普通的腐皮卷

綠茶桂花糕:反而呢個就有驚喜，桂花味很濃帶點清甜，煙煙韌韌非常有口感

單據

其實這酒店係飲茶好過晚飯的，因為遲了到達黎廣州，所以才把午餐、晚餐的食店對調

好得意的地鐵宣傳照，我們搭返地鐵到石牌橋站

剛 剛在酒店對面有間九毛九拉麵店，這店標榜係中國最好的麵店喎，反正頭先食得唔太飽，一於試試，由於此店10:00PM就關門，我們得返大概40分鐘時間， 不過很多食物都已經無了，我們點了西北人家皮凍、西芹炒平陸百合、雪菜肉絲拉麵、鍋貼、蔥花餅、胡蘿蔔羊肉餃子、白菜豬肉餃子，埋單105蚊.

西北人家皮凍:口感似果凍，無乜特別

西芹炒平陸百合:落既油簡直超晒標啊

雪菜肉絲拉麵:呢個拉麵真的要贊下，拉麵係即點即拉的，麵質有彈性及滑，食得出有層次感，師父技術絕對係好到家，有驚喜

白菜豬肉餃子:餡太少了

鍋貼:無乜特別

胡蘿蔔羊肉餃子:羊肉味很強烈，但胡蘿蔔太多了

蔥花餅:完全無蔥味的，失敗

單據

我們今次入住華僑友誼酒店，$228一晚，房間都ok