2011年廣州、古鎮、海洲、荷塘4天歎美食之旅-day2

今早起身梳洗後，就落酒店隔離問銀記腸粉店食早餐，聽講這間店的腸粉係好出名的

我們點了豬紅粉腸粥、滑牛粥、燒豬骨粥、及第粥、牛肉腸粉、豬潤腸粉，另外在隔離檔點了一籠餃子及小籠包.

不過店內又係超多人，我們只好自已在門口開桌！嘻嘻

餃子:味道普通，不過價錢很平

小籠包:個皮太粉了，不過又係超平......

豬紅粉腸粥:失敗

及第粥:失敗

滑牛粥:失敗

燒豬骨粥:失敗

點解以上的粥都係失敗？因為煲粥底已經煲燶左，唉!!!

牛肉腸粉

豬潤腸粉

以上的腸粉係好大塊包住d餡的，有別於香港的，但個皮係幾煙韌，很似陳村粉，但好唔鐘意中間塊生菜鬼咁大塊囉，搞到很難拆件黎食及d配料又細又少，不過價錢又係好平囉......

食飽後我們搭地鐵到廣州火車南站

呢個火車南站真係好大地方啊

地圖

我們買了去古鎮的火車，不過係企位，因為坐位已FULL了，無得坐的價錢應該收平些嘛......，價錢$21蚊位

上層十足十似機場多過火車站啊

閒日都咁多人搭火車，可能係假期就黎完的關系

呢個火車站真的幾靚

唔知邊個行得咁急呢？留低左個0急柄hahahaaaa

大概三十五分鐘車程就到達古鎮，呢個站都幾多人落車

站外面迫滿晒人啊

李老闆專程開了兩架車黎接我們

首先當然要去醫下個肚先啦，我們去了國貿酒店裡面的酒家

個場都幾大的

食物種類勁多，都幾誇張下，我只是影了一部份咋

以下係四眼同志點的菜式，因我唔知d名，所以求其寫的

韭菜豬紅:豬紅都幾實淨，唔錯啊

榴槤薄餐:榴槤味很濃，但又好鬼甜......

加蔥薄餐:無乜特別

油甘筍:筍很嫩及脆，辣辣地ok啦

魚肉釀茄子:醬汁偏鹹，茄子我覺得唔夠腍

白切雞:隻雞都幾大隻，蒸得算唔錯，雞味好夠，咁大隻雞都唔肥，難得

蒸釀豆腐:豆腐都幾滑，豆味又夠

涼拌魚皮:我本身無試到，四眼同志試了一淡就要求退貨，話魚片很腥喎

唔記得個名:我亦無試到

剁椒魚頭:魚肉都幾滑下，最緊要係無泥味嘛

南乳炒蓮藕:南乳味唔算很濃，味道剛剛好，用黎炒蓮藕係絕配，加上蓮藕都幾爽口

魚肉釀青豆:又係個醬汁太濃喇......

呢餐食得勁飽啊

之後就返海洲村Connie屋企，其實這幾個地方有燈城之稱，因為附近一帶有很多燈廠及賣燈的店

屋裡面有棵楊桃樹，我地當然要摘幾個黎試試啦

睇下老婆的搞果技術得唔得先hahaaaaa

一箭雙鵰，厲害厲害

睇下幾咁大個，一定又甜又多汁的

真係幾清甜多汁架

我們把口都未停過，不停咁有美食送過黎，由於這帶有很多魚塘的，所以魚餅亦很出名架

炸魚餅:真係百份百魚肉黎架，炸得又香又有彈性，好味啊

魚肉釀青椒:同樣咁美味

她們班人當然又係開檯打麻雀啦，而我就到附近走走

隔離有塊田，裡面種了蕃茄、蔥、中國芹、瓜及菜

轉眼一到又係食晚飯時間，我們去了小欖鎮的四季花園食府，聽講以前這裡的職員係踩Roller送菜的

門口有兩隻超大的公雞

睇下d獎牌多得幾誇張，都唔知真定假的

見到這個獎牌，睇黎呢間的燒鵝應該唔錯的

炸乳鴿好似幾吸引，不過無叫到......因為有主人家已點好了菜，今晚訂了兩圍檯，有成二十人架

燒鵝:一食就知係用茘枝紫黎烤的，因為果種獨有的味道真係好香好香，鵝皮夠脆、肉又嫩滑，非常有水準的

沙參玉竹煲響螺湯

煲裡面的材料有成三份一咁多架，唔好飲就假

睇下d顏色幾咁靚，加上係用煤屎碳煲的，個湯超甜啊

沙薑雞:今次呢隻雞細隻很多，似走地雞多些，皮薄肉滑，幾好味

煎釀豆腐:豆味很突出，完全唔用醬汁黎煮的，都幾大膽下

什菌浸絲瓜:無試

菜心炒雞什:雖然都幾油下，但菜心很甜

酥炸魚球:粒粒炸到脹卜卜，賣相幾討好啊

可選擇用生菜包黎食的

魚肉唔多講

但這個蜆介醬不得不贊下，味道濃得黎又清新，係我試過最好的

鹽焗豬尾骨:初初唔知係乜？聽完個名後，心諗好唔好味架？

原來首先滷過條豬尾，然後再拿去炸，唔怪得味道係咁正啦

咪以為會好肥膩啊，其實咬落好煙韌的，也肥肉都咁好味，驚喜之作

上湯浸魚餃:魚餃細細粒，0岩0岩好一淡一粒，都幾鮮味

上湯浸魚腐:我覺得最普通就係呢味，魚腐都無黎味道的......

椒鹽粉腸:粉腸非常新鮮，我同四眼同志的最愛，密密食

煎焗魚咀:面層煎得又脆又鬆化，魚咀超滑滑啊

豉椒炒黃鱔:黃鱔唔夠肥美，不過味道還可以

蒜蓉炒通菜:好難得竟然還有通菜食，因為我勁鐘意食通菜架，哈哈哈

生煎包及菠蘿包

菠蘿包裡面的菠蘿蓉很香，不過無炳勝的好味

生果盤

食飽後我們就去今晚入住的酒店，這間柏力商務酒店係新開的，價錢非常之抵啊

大堂裝修得唔錯

四眼同志訂的係行政套房係兩房一廳的，價錢$338晚

這個係廳

正現場播緊曼聯主場迎戰曼城，我係曼聯迷當然要支持下啦

大廳洗手間

單人房係有提供電腦及上網的

另一間係套房

套房洗手間

我們就住商務房，價錢係$190晚，如果唔要有電腦提供的話，只需$160晚

老婆她們去了按摩，我就留在酒店睇波heehee