媽媽： 阿仔，幫手做家務啦，大個仔ga啦！
仔： 得啦，你估我仲細咩？
媽媽： 十三歲仔，話細唔細，話大唔大ga啦，如果你係雲南普米族人仲要過大年，行「著褲禮」添呀。
仔： 咁大陣象？仲有咩攪呀？
媽媽： 普米族人喺除夕果晚會放三下火炮，跟住會吹海螺，祭祖驅鬼敢啦。至於D年滿十三歲ge細路，就會按性別喺埋一齊玩到通宵，同佢ge童年生活告別啦。
仔： 我都未試過通宵唔瞓喎，一定係好好玩ga啦。
媽媽： 細路仔就係敢諗啦，不過就要捱眼瞓囉。因為一到天光，佢地就要返去自己屋企，準備行成年儀式啦。
仔： 個儀式點樣ga？
媽媽： 我講咗咁耐都口乾啦，快D幫手做埋D野先至講啦。
