日本人煮既日式拉麵@台風

今日因為要去深井一個生日扒地

所以又要由將軍澳殺入深井

途經荃灣,老公搵左個荃灣朋友一齊尼個Lunch先

佢地問我想食乜..我答 : 拉麵

如是朋友就帶咗我地去一間食日本拉麵既

 

門口已排隊

入門位得好少,全係吧枱型式

我諗大約得十幾個位

超nice既店員姐姐話,有幾個人食完但賴死唔走

所以我地等等等等....

一邊等,一邊比定菜單你揀

其實拉麵得四款

基本豬骨湯,芝士蕃茄湯,仲有辣既同埋撈麵

一入去座底,就可以睇住老闆煮麵

老闆係日本人,應該唔識廣東話吧..

我見佢同店員都係用日文溝通...

 

朋友既豬骨湯麵先到

豬骨湯幾濃...但又唔係我心目中個種好白既豬骨湯喎

 

跟住到老公既骨膠原撈麵

面個Pet就係骨膠原..老公話..無味既

要撈埋落麵到食..

悠悠就試一口即吐返出尼..哈哈

 

到我既芝士蕃茄麵

原來係蕃茄湯底,再係啲日式叉燒上灑上芝士,然後燒一燒

出尼都幾香...

湯底好濃..好杰...感覺似撈麵多個湯麵

 

佢既麵底好多...本來我揀左少麵既

但個店員姐姐知道我同悠悠兩份

叫我地要返普通分量...

最後浪費左一半都有 =_=

佢個普通分量..係連我個大食老公都食唔晒呀.....