以前讀夜校時，一班頑皮同學最喜歡玩同音字，例如最受歡迎的電視節目之一「警訊」，他們會改為「警察講嘅嘢你唔好信」，後來更改為「警察講嘅嘢你千祈唔好信」，所以叫「警訊」。
雖然如此，一直相信他們係講笑，唔相信係真。
經過九月二十八日晚，有些事情不太明白，可能係自己讀得書少，好似那班防暴警察舉起的警告標語，絕對無理由兩面所展示的內容完全不同，使唔使慳成咁，一標語兩用？連總督察都理解唔到，無咁蠢啩？
至於當晚學聯曾宣佈撤離，因為可能已經向示威者發射橡膠子彈。後來警方否認會開槍對付示威者。
看來會不會開槍主要看當時情況，想唔想之間，不過吾等蟻民始終唔會明白，從幾張照片所見，防暴警察當時的確已舉起雷明登870霰彈槍指向人群，而另外有警配備不同款的長槍，似是M16的另款。大陸一篇
香港PTU：內地警方模仿的新樣板內有說明特區香港警隊的武裝。
形勢愈來愈危險，共產黨係唔會理咁多，再加特區香港指鹿為馬者更多，亦會垂死掙扎，誰來陪葬真係唔知道，如果真係血洗中環，絕對可以肯定，除了市民，那班人一係會讓最前線去陪葬。
特區香港很可悲，香港人更可悲，唔敢去想，生死在於那個雜種一念之間。
============================================
感謝 MK110 提供以上資料
MK110的網誌: http://mk110.blogspot.hk/
============================================
