Dazzling Cafe

台灣人氣吐司店Dazzling Cafe雖然已經登陸香港一段時間，但人龍依舊，想成功食到真的需要多點耐性及毅力。為保持食物質素及控制人流，餐廳每日由12:00pm開始派發120個籌，派完即止。

當日我和朋友11點多到達，已經企滿等拎籌的人龍，結果拿到的籌號已經是117號，可想而知情況有多墟冚。

順帶一提，店員派籌時會一併通知預計等候時間，讓每位客人有所預算，因為一旦過籌就要重新輪候！而我們的預計入座時間是1:30pm，趁時間尚早，我們兩個即到附近商場閒逛。

按照預定時間回到餐廳，結果籌號只叫到60號左右，雖然餐廳對每枱客人的用餐時間均有所限制（一個半小時），不過其turnover速度一般。

既然未等到位，就到處影影餐廳的裝潢，純白歐陸式的設計真的超夢幻，近窗邊位置更設有小噴泉，仿如置身歐陸式小花園。

結果一等，等到3:00pm亦只不過叫到80號。由於我們一早買好戲票看3:30pm，唯有先離場，稍後再碰運氣（雖然心中有數）⋯⋯

睇完電影，117號果然早已過號，但餐廳此時竟然再度派籌！好運（？）的我們隨即再拎籌，今次拿到的是203號，之後大概等了半小時就成功入座，並獲安排室內位置。

識食，一定食Dazzling Cafe的signature dish—蜜糖吐司。不過吐司都分有好幾個version，這款就愛草莓蜜糖吐司 (HK$98)就是第一代Honey Toast。店員將吐司送上後，會讓客人「相機食先」，當你玩夠影夠，就可以請店員為你切開吐司。

入面放有幾條烤好的吐司條，店員會教你將每條吐司條搽匀吉士醬、草莓醬及雪糕食。

由於第一次試食，我們揀了正常程度的口感，吃起來外脆內軟。至於外面的麵包皮同樣可吃，不過口感比較煙韌。吐司份量算大，我們兩個人單點吐司已覺飽肚，更剩下一堆麵包皮。

餐廳設有最低消費—每人一杯飲品，所以我點了白巧克力抹茶拿鐵 (HK$48)，雖然並非咖啡類飲品，但杯面同樣有心型拉花。杯面上的泡沫綠茶味極濃，白朱古力的甜度亦剛好中和咖啡的苦澀，味道與Green Tea Latte相似，不過是有咖啡味的GTL。

============================================

感謝 Gianna 提供以上資料

Gianna的網誌: http://www.forever20plus.blogspot.hk/

============================================