(Day 18) 2014-6-6
住宿：Vissai Saigon Hotel
行程：柬浦寨暹粒—>越南胡志明市
最後一朝，諗住去睇日出，天都未光已出發去買吳哥窟入場票，售票處迫爆人呀! 佢地每人既目的都係去吳哥窟睇日落，我就最憎同人迫，於是繞過吳哥窟後，路上已見不到任何遊客了，去到一個湖邊正直晨晞，很美!
日落就睇得多，特登起身睇日出都係第一次咋! 不過眾人皆醉我獨醒，睇完晨晞即時離去，不刻意追求個鹹蛋黃，想係晨晞時有種仙境既感覺參觀一個景點，於是係第一個遊客到達布隆寺(Ta parlu )
去到後雖然太陽已升起，驅散了清晨既霧氣，但我係第一個進入，成個遺址都係我架! Yeah~
達布隆寺原來係盜墓者羅拉既取景場地，極有廢墟既感覺，近期香港好興廢墟攝影，相信達布隆寺就最一流勒! 而晨咁早得我一個人係廢墟內，都有少少驚架!
回程時路經景他既建築群，有大量四面佛而宏偉既巴戎寺亦有留步參觀； 其實今日架Greenbike都行左好多路，其間真係好擔心唔夠電，好在最後都玩畢全程~
============================================
感謝 新銀仔 提供以上資料
新銀仔的網誌: http://travelsilver.blogspot.hk/
============================================
