Petrus - 出色的餐廳

星期六的下午, 文迪休假的一天, 趁這個機會, 就再來這家入選過世界五大的餐廳見識一下. 其實一早也聽過這裡的大名, 但係晚上的價位實在不底, 也不捨得花幾千元吃一餐, 吃個午餐就比較合乎我們的畢直.

一早訂了窗口位, 五十六樓居高臨下, 氣勢相當. 數有靚海景的餐廳, 這裡應該係數一數二. 環境係好豪華, 坐係舒適的凳子, 好像身處凡爾賽宮. 假如想要間食環境的餐廳, 這裡一定達標. 當然, 對於我來講, 還是食物的味道最實際.


2道菜係$338, 3道菜係$388. 一場來到, 就要個3道菜午餐. 起碼這個價位跟晚市係無得比.
先來了一籃麵包. 最喜歡那個芝士包, 香濃而不太濃烈的芝士味, 剛好. 這籃麵包, 係讓人忍不住吃完一件又一件的. 再喝喝跟餐送的紅酒, 看看海景, 蔚藍的天空, 相當醉人.



Pan-seared duck liver with fresh and cooked apple香煎鮮鴨肝: 10分, 要了個廚師精選的煎鴨肝作頭盤, 另外加了$120. 這$120其實真的化得物有所值, 煎鴨肝共有兩大件, 份量相當. 鴨肝係完全無渣, 煎得剛好, 香噴噴, 加上鮮蘋果, 中和一下鴨肝那份油膩感. 點點汁, 把鴨肝連蘋果一齊吃, 不能挑剔了.

Frog legs and prawns vol au vent white ricotta gnocchi and mushrooms酥皮鮮蝦田雞腿: 9分, 另一個頭盤要了酥皮鮮蝦田雞腿, 蝦大大隻, 鮮甜. 田雞腿切得細細的, 點上醬汁也很美味. 其中一隻蝦連同田雞腿係放了入件酥皮, 酥皮脆脆的. 係做得相當精緻而味道又好得的一道菜.

Lobster bisque法式龍蝦湯: 10分, 一大個杯上的龍蝦湯, 真係飲完都飽了不少. 個湯相當濃郁, 入面有幾多龍蝦肉, 絕不欺場. 吃落口也感受到龍蝦的鮮味. 每喝一口, 也感受到那份濃濃的感覺, 好出色.

Double-boiled poultry consomme with duck liver and truffle profiteroles清燉雞湯配鴨肝: 9分, 相對於濃郁的龍蝦湯, 這個清雞湯絕對係光譜的另一面. 喝落口係有淡淡然的雞味. 再吃一口巴夫. 這個巴夫比較特別, 並不是甜點來的, 入邊有鴨肝同松露, 濃烈的味道跟個清雞湯又係一個強烈的對比. 沒有煎過的鴨肝係沒有那麼香口, 但係另一方面, 也沒有那麼油, 跟湯一齊食就最匹配. 相對起一些店子的清湯也總會有些渣, 這個清雞湯係剩水, 燈光反照之下也見晶瑩通透.

Lamb rack with vegetables and dried fruit condiment烤焗羊肋排配乾果雜菜: 10分, 早前係沙巴那邊吃了個很靚的意式羊, 想不到這裡一樣高水準. 件羊排帶點點紅, 火候剛好, 肉質一流, 也有小小脂肪, 令到件羊排更加香口. 跟上點乾果雜菜, 令人兩三下手勢就吃掉一件.

Yellow Landes chicken breast, confit of seasonal vegetables烤焗雞胸配時菜: 8分, 係全日比較失色的一樣. 始終係雞胸肉, 沒有黑肉般嫩滑, 但係個汁也幾開胃的, 而肉本身也不會實實的. 那包時菜就不太懂得欣賞. 食食下先發現有幾件碎骨夾在雞肉當中, 平心而論, 以這店的質素來講, 這個出錯其實可以避免. 店方賠個不是之外, 也送免費甜品給我們.

甜品來前, 先飲杯咖啡, 相當香濃, 醒一醒, 再望望窗外的景色, 寫意的下午.

Napoleon: 9分, 原本拿破崙餅係這裡的招牌. 是日的士多啤梨拿破崙餅不會太甜或者太酸, 餅皮也幾脆, 層次分明, 高水準之作, 比崔建邦勝一籌. 但跟天后小店比, 小弟還是喜歡那裡多一點.

Pear Tart: 9分, 這個梨撻也是不太甜, 面頭的梨帶點點清新, 再吃一口撻, 好鬆化, 也是精彩.

再來係店方贈送的甜點, 文迪此時已經投降了, 唯有等小弟清盡大部份的甜點. 朱古力係幾濃烈, 吃落口都幾刺激. 檸檬餅面頭的檸檬又有另一種酸的刺激. 士多啤梨撻同巴夫也是不大的份量, 最好就係一口咬落去, 讓不同的味覺同時打入口腔內. 這個加時演出作品, 不比主角遜色.



食物整體水準係相當高, 令人心動的環境, 加上午市相對地好合理的價錢, 真係值得去試試的. 服務係令人舒服, 介紹菜色也好仔細. 本來有碎骨應該扣點分, 但係店方也詳細地去解釋原因同賠罪.
大家常常講乜野去外國玩同食, 其實係香港的天空下, 係有不少相當出色的餐廳.