我決定的起心肝盡量每日寫卜先, 有好多都忘記喇~ 真係個人放懶左, 哈哈 ! 得閒我最鍾意坐係梳化放空, 真係可以呆坐, 諗下野, 諗諗下又五點, 老公返到, 我又要準備煮飯, 我發覺每日過得咁快, 好可能放太多時間俾個腦休息~ 哈哈哈 !
康SIR婚禮 + 英皇聚會
27 August, 2014
尋日過完好開心既生日PARTY, 今日全日都係同樣咁充實呀 ! 訓醒係D BAY食埋LUNCH~ 先出返黎, 一返出黎我第一時間要去學車, 嘩 ! 好攰~ 學完休息下又要早D去朋友婚禮~ 有時間仲行左陣街, 哈哈 ! 好唔得閒~~ 今日係康康既大好日子呀 ! 真係好開心~ 康康係我以前公司既前輩, 真係睇住我大架~ 哈哈 ! 康康人好, 好願意幫人, 舊公司有樣好, 就係好多人都好好, 不過呢加就唔同哂LU~ 因為大家都唔係度做喇 ! 所以今日好似有以前春茗既感覺, 好開心好搞笑~
我地到先~ 同新人影合照先~ 恭喜BOBO & 康康~ 百年好合 永結同心呀~
見到的的仔, 影張相先~
我同玉琪同一日生日架~ 親愛的生日快樂喔~~希望你鍾意我份禮物啦~ 哈哈~ 不過我有信心你會喜歡~
點少得我地三姐妹~ 呵呵~
YEAH ! 新人進場~
飲杯後我地可以食乳豬喇~~ 呢間酒樓道道菜都幾好食~
大肚婆SOEY, YUKI同我同日生日, SOEY同我同日結婚, 不過佢早我一年~ 你話丫~ 幾咁有緣呢~哈哈哈~ BB都已經出左世一個月喇~(PS:今日係10月9號,哈哈~下星期去探BB先)
第一次參加婚禮有舞獅睇~ 好正呀~哈哈~ (其實我好細膽, 好驚呢D獅頭俾我面前, 我會好驚~遠睇OK~)
我親愛的舊同門~ I MISS U ALL SO MUCH~ 呢張相要倒數幾年前都有影過, 搵返以前D相, 無張齊人~ 哈哈~ 算~ 真係估唔到大家都會離開哂~ 岩岩搵相個陣睇返以前D相真係好開心~ 我地會成班同事去九龍酒店食BUFFET~ 會聖誕搞PARTY~ 生日蛋糕每月都食得好密, 因為鍾意影相, 人人買部單反機, 返工係咁影相(當然係得閒個陣), 哈哈哈 ! 原來, 那些年我地一齊工作得很快樂~ 真心覺得好快樂, 因為有你們 ♥
開心快樂既時間過得特別快, 又係時候講BYEBYE~ 期待下次舊同門結婚~哈哈~
感謝 仙蒂小溫太 提供以上資料
個人日誌: http://cindylittlemrswan.blogspot.hk/
