數字: 跟學校程度, o係屋企我極少再教有關數學o既知識
中文: 認字/寫字方面大致跟隨學校程度, (寫字比K1時有進步, 握筆較定但"審美觀" 仍有待加強, 寫字現在只能說是"能寫", 但不好看)
閱讀方面仍係由媽媽讀, 小齊聽, 選擇o既書集中係繪本, 近呢幾個月o既進度大概係每月8 ~ 12本中文繪本, 每本會重覆讀最少一次, 有D係每個月都會重覆, 真係聽果個唔悶, 我都講到悶, 不過小齊鍾意就冇法
(以上係學校閱讀計劃派o既圖書)
英文: 寫字方面跟隨學校程度 (與K1相若)
閱讀方面8月時已進入希望工程2.0 (稍後另文分享),
9月時加入朗讀工程1.0, 每星期朗讀一本圖書, 暫時選擇OXFORD READING TREE STAGE 4 為朗讀原料, 喜見LINKING 及INTONATION 方面有點進步, 媽媽亦在中間慢慢浸入GRAMMAR 知識
常識/時事: 都係靠睇下書,DVD同電視, 加上平時出街又傾下講下咁, 暫時覺得小齊呢方面唔錯, 佢都幾留意時事新聞, 佢最喜愛o既DVD係MAGIC SCHOOL BUS
學校生活:
小齊K2 返左廿幾日學, 由於今年我冇得送佢返學, 所以好多時都要等佢自己匯報上堂情況,
小齊都認識左 d 新同學, 我好多時聽佢提及同學就係人地食咩茶點...
今年o既老師有獎勵計劃, 乖o既可以儲貼紙換禮物, 小齊暫時換左一支筆返o黎,
係幾好o既推動力, 等佢地要乖乖~
至於做功課呢, 今年多左功課, 每日最少3樣, 放假仲有工作紙, 親子勞作...好彩小齊都明白,
自己主動左做, 呢個星期特別乖, 有兩日我返屋企時已經做晒, 雖然唔係好靚,
但都值得鼓勵一下
其他課外活動:
日文 :日文通識班二年級9月開學但改為上晝班, 一星期兩堂, 呢個亦好放心交比老師, 二年級尚未安排觀課, 但估計上堂情形與一年級相若
普通話: 9月開始又返返唱遊班一星期一次, 小齊返o黎有哼歌我聽, 老師評語話佢有時唔多識轉台, 一開口習慣左講廣東話, 要多提點。 呢個我唔會太強求了, 因為一星期得一堂, 接觸較少, 我會用其他方法比佢聽多d 再研究之後點繼續學
游水: 7月開始學游水, 上左十零堂, 暫時進度一般, 要用浮板但可甩水袖,小齊敢"未"水, 但踢腳就差o的, 教練表示下期可以升班, 雖然有d 驚冬天游水會凍, 但又想小齊起碼學識一種泳式先停, 都仲未決定到下期學唔學
![]()
音樂/跳舞/繪畫等會等多一排再決定要唔要加,
小齊自己話想學畫畫, 彈琴佢就一時一樣, 暫時由佢先
爸爸話要多D同小齊o黎運動場跑步, 但小齊係講o野多過跑, anyway都做多d 運動鍛鍊下啦!
唔駛學跳舞之後我地都少左去圖書館, 希望o黎緊要的起心肝去多d,
迫自己o既方法就係儘量book 書, 咁就最少兩星期要去一次pick up~
培養閱讀興趣/習慣係今年重點要加強o既項目!
齊 ~ 閱讀樂
