同學會...唔係我既同學會
係悠悠既同學會呀
早幾日去悠悠同學仔屋企會所玩烘焙班
舉辦人當然係我啦
真係未試過走去教人整野食
不過都係分享形式,一齊玩下咁啫
由安排開始都好傷腦根
因為要大量工具,材料
我仲搵埋悠悠姨媽幫手做場務
今次會整兩款食物,有菠蘿包&腸仔包,同埋小蛋糕
我地book左4個鐘頭
平時我自己係屋企搓包,通常3個鐘完成
中間發酵時間用尼整小蛋糕同食野
計劃中岩岩好...
點知去到失晒預算...
一去到,小朋友瘋狂地玩,媽媽們狂影相
玩完一輪開始磅材料
攪左好耐先可以開始
最後要去加鐘,但個場有人book左
我地只可以book到個備餐室
好彩隔離有個兒童遊樂場
咁啲小朋友可以過去玩
幾個媽媽係到完成埋個包包
洗埋啲工具,好趕咁交場
發酵時間唔夠,個到冷氣又太凍
最後出尼成品當然唔多好啦
但幸好小朋友們都好比面,食得好開心
今次程序安排得唔夠好
下次要改進...
好..唔講咁多,睇返當日既歡樂時刻啦
人愈多，超時得愈厲害
