《2014 年 7 月‧沙巴》
很多人都話沙巴食海鮮又平又抵食
但我 N 年前試過 ... 又貴又不太好食喎 ?! ?! ?!
係咪我揀了間不會煮又貴的海鮮店呢 ?!
出發前，在網上見很多網友都推介這間又平又好食的
大茄來海鮮餐廳
見到他們的照片都好吸引 ... 而且價錢都合理
就睇下 N 年後的沙巴海鮮餐會否令我改觀喇
"大茄來" 的位置對我來講較偏遠 ... 因為它不是位於亞庇市中心
費時周圍搵，我們一於打的去 ... 好似 RM15
"大茄來" 的規模都幾大的 ... 佔商場地舖幾間舖位的
有點似西貢的海鮮店 ... 先在海鮮缸揀想食的海鮮
有華人的服務員 ... 還會講廣東話的
老虎蝦是沙巴特產，也是儍爸今次的目標
有大、中、小三款 size ... 儍爸當然揀大大隻的『大』老虎蝦喇 !!!
雖然有點貴 ... RM40 一隻 ... 但是老遠嚟到沙巴梗是要試
我們點了
奶油大老虎蝦 2 隻分來食
經網友指點奶油分別有乾及濕的煮法， 乾的香口，濕的香滑
... 我們當然揀較香口的乾煮老虎蝦
沾滿濃濃奶油的老虎蝦味道鮮美，肉質彈牙，好好味呀
... 想來多兩隻，可惜已經沽清囉
還有，食完至發覺我們點的大老虎蝦好似來錯了 ...細隻了 ...
因為見到隔離枱的老虎蝦大隻過我們咁多的 ...
好彩，蝦殼仍在 ... 即刻搵番落單的侍應弄清楚
原來 ... 我們剛才食的是 ... 中碼老虎蝦 ... RM30 一隻 x 2
另一道是我至愛的蟹 ... 咸蛋黃抄蟹 RM45 / kg
一直都想試的煮法，但實在太高卡又高膽固醇 ...
但是 ... 點解咁多汁 ???
多汁唔緊要 ... 至緊要是好味道 ...
由於隻蟹新鮮，所以好味 ... 還有好多膏 ... 正
蒜蓉炒蕃薯苗
白灼東風螺 RM24 / kg
不太似常吃的東風螺，較似跳螺
螺新鮮，但很難挑出來，配搭腐乳來吃比慣常配搭海鮮甜醬更能突出螺肉的鮮味
飲品 ... 可樂及桔仔冰唔需再介紹
而右面黃色杯
橘子水 ... 是青檸汁加糖漿調成的，味道好濃好酸 ... 酸到呢 ...
這餐埋單盛惠 ... RM111 (約 HK$277)
總括來說，大茄來價錢實惠，海鮮又新鮮 ... 試得過的
但都是 ... 香港都識煮海鮮 ... 最好食 ~~
** 以上分享是以我的口味、喜好及情況作出分享及感受，合用 / 一試與否請自行決定
《2014 沙巴遊記》
一次過滿足我地 3 個願望的 ... 沙巴遊
貓山王榴蓮蛋糕卷
Fullhouse Lifestyle Store and Cafe ♡ 沙巴
沙巴美食 ♡ 榴槤芝士蛋糕 ♥ Secret Recipe
貓山王榴槤月餅 vs 貓山王榴槤冰皮月餅
沙巴美食 ♡ 佑記肉骨茶
沙巴美食 ♡ 咖咉多士 ♥ 富源茶室
纖體瘦身
