探險家攻略 > 城中探秘 / 旅遊 > 特色景點 / 公園 / 長線旅遊 > 杭州﹑黃山﹑婺源﹑安徽古鄉7天遊

杭州﹑黃山﹑婺源﹑安徽古鄉7天遊

由平凡人於 2014-10-22 01:55:00 發表 | 累積瀏覽 673

分類：長線旅遊特色景點公園；地區：中國

攻略日期：2013-08-23

是次消費：每人平均約HK$ 4000.00

< 杭州﹑黃山﹑婺源﹑安徽古鄉7天遊 >

好多人都話黃山係中國其中一個最靚既山，「五嶽歸來不看山；黃山歸來不看嶽」，黃山究竟係唔係真係好似傳聞講到「黃山歸來不看嶽」咁誇張？如果係都唔錯，咁就唔洗再去其他五嶽！今次黃山旅程已經期待左好耐，本來應該早一個月自己出發，不過有小小阻滯所以去唔成...「塞翁失馬，焉知非福」，咁岩復活節又有朋友去黃山，咁就岩晒啦可以跟住朋友一齊去，而且朋友已經plan好晒全個旅程，酒店﹑包車﹑行程都唔洗操心，只要買好來回火車票就可以安心收拾心情，期待黃山旅程~

杭州﹑黃山﹑婺源﹑安徽古鄉7天行程：
Day 0：香港 - 深圳 - 南昌    (宿：火車上)
Day 1：南昌 - 杭州                   (宿：杭州柳湖小築青年旅舍 )
Day 2：杭州 - 紹興 - 杭州              (宿：杭州柳湖小築青年旅舍)
Day 3：杭州 - 湯口                     (宿：湯口阿拉酒店)
Day 4：湯口 - 黃山風景區 (宿：黃山西海飯店)
Day 5：黃山風景區 - 湯口 - 盧村 - 宏村 (宿：宏村松鶴堂客棧)
Day 6：宏村 - 婺源 - 屯溪 - 深圳 (宿：火車上)
Day 7：深圳 - 香港

為左慳旅費，我就唔跟朋友坐飛機去杭州啦，復活節來回杭州機票四千幾蚊太貴；我坐火車去杭州等大家，去杭州火車票早20日已經係網上買好，原來呢班車真係好多人搭，唔洗半日已經賣晒所有臥鋪票...好彩我九點已經坐係電腦前，成功買到車票；今次會先由深圳坐到南昌，再由南昌轉車去杭州，可能會覺得奇怪，點解唔直接坐火車去黃山/杭州？原因就係黃山/杭州火車係下午開車，要就放工時間只可以揀放工都趕到既呢班T186列車

28/3/2013

第一天

又再次來到深圳火車站，上一次係深圳火車站上火車已經係一年前既事

乘坐深圳往沈陽火車，當然唔會坐到去沈陽咁遠，坐大約10個鐘已經係南昌落車



乘坐硬臥車箱，其實我真係好鐘意火車既感覺，訓係道部火車搖下搖下，又有路軌隆隆聲，呢種感覺真係好特別~唔經唔覺好快就到左10點關燈時間，夠鐘訓覺啦

早上六點半準時到達南昌火車站，開頭都有少少擔心火車會delay而趕唔到下一班火車，因為火車係第一個東莞站已經遲左15分鐘，第二站遲左20分鐘，好彩訓醒就變返準時

南昌火車站好好好大

第一次去到江西地方，對好多野都好好奇，馬路都影得一餐

見仲有時間，所以就先食個早餐個再上杭州火車，咁就唔洗係火車挨餓...係火車站對出是但揀左間麵店，簡簡單單又一餐



好多人等上車，我就坐埋一邊唔同人迫啦

鏡頭一轉已經去到杭州，不過呢程車坐得好辛苦，因為上車前冇同人迫入閘，又掛住影火車相，結果車上所有行李架都full晒，個大背囊要放係腳道，仲迫過坐巴士...坐去後面既空位又比乘務員趕返去自己個位......呢個故事教訓既係下次唔理3721迫左上火車先算



去到杭州南站想買火車票去紹興，結果係連企位都冇...仲諗住和諧號比較易買到票......下次都係買左先算，今日真係出師不利


既然冇得去紹興，唯有坐巴士去杭州hostel，放低行李再作打算...坐下坐下，又要轉車，用左足足兩個鐘終於去到西湖邊落車


就係好靚既美術館對面落車

行多幾分鐘就去到住既地方，柳湖小築青年旅舍

放低行李，真正杭州之旅正式開始
先出去搵食，去左河坊街旁邊既高銀街，全條街都係餐廳食店，去左一間叫「咬不得」既餐廳，食最出名既生煎包，好好食~上一次食生煎包已經要數到一年前係上海食既小掦生煎，又係好好食

路過河坊街，有病可以入去睇醫生

遠望山上城隍閣

沿路行去西湖，杭州既街道都唔錯，環境好清潔，感覺舒服

一路行，好快就行到去西湖邊既公園

就算未正式行到西湖，係呢道已經可以感受到西湖悠閒氣氛，眼前望到既都係美麗既花草樹木


「欲把西湖比西子，淡妝濃抹總相宜」
上次到西湖係冬天，冇花既點綴，只有綠樹成蔭，係雨下漫步西湖，別有一番風味；今次再來到西湖，多左七彩繽紛既顏色，就好似蘇軾筆下既西子，不論淡粧定濃抹都有不同既風味



Hostel就係西湖邊，唔經唔覺就行到返去，休息左一陣就出發去火車站買明天既火車票


原來去火車站既Y2已經冇車啦，咁只好慢慢行過去，如果有時間既話行下路都係一個唔錯既選擇，可以睇到呢個地方既發展，又可以見到本地人既生活，仲可以見到一D遊客見唔到既野~

買火車票既時候出左個小小問題，我都自知自己唔識講普通話，每次買火車票既時候都會寫定要買既火車班次﹑時間等等資料上紙仔方便買，今次買票既時候售票員突然同我講no second class，突然比佢用英文嚇一嚇，佢講左好多聲都冇比反應佢...其實我係想同佢講我想轉一等座，但就猶疑緊用中文定英文答好，最後係答都唔洗答，佢比左張無座票我...之後就去左旁邊排多次隊轉一等座......

又行到返去高銀街搵野食，呢間就係下午食過既咬不得，真心覺得D生煎包唔錯(其實我對食野要求好低，只要正正常常我就好滿意)

成條街好多野食揀，花多眼亂

揀左間好多人既鋪頭，都算試下杭州菜式，味道OK

食飽就去返旁邊既河坊街，慢慢散步，沿路行返去西湖邊既Hostel

呢間萬隆火腿好似好出名，好多地方都有介紹，係唔係真係咁正就唔知啦

第一日行程就係咁結束啦，大約十點返到Hostel，同房既室友已經返晒去仲準備訓覺，真係好早...咁唯有做所有野都輕力D細聲D，希望唔會嘈住其他人訓覺啦

鐘意SeeWide的分享，給我們一個Like吧！

檢舉

攻略日期：2013-08-23

攻略地點：中國
攻略時間：1日以上

是次消費：每人平均約HK$ 4000.00

共0人比"掂"

stellaluk 於2014-10-22 06:58:58 留言
讀萬卷書不如行萬里路，馬不停蹄瀏覽江山如此多嬌
舉報回覆
No.1

EEChan 於2014-10-22 13:59:21 留言
我去黃山己經係三十年前往事，南昌我當年去盧山時到過，坐火車去好玩呀
舉報回覆
No.2

平凡人於2014-10-23 00:43:53 留言
原文由 stellaluk 於 2014-10-22 06:58:58 發表
讀萬卷書不如行萬里路，馬不停蹄瀏覽江山如此多嬌

一收工就出發，真正馬不停蹄
舉報回覆
No.3

平凡人於2014-10-23 00:46:39 留言
原文由 EEChan 於 2014-10-22 13:59:21 發表
我去黃山己經係三十年前往事，南昌我當年去盧山時到過，坐火車去好玩呀

坐火車正丫三十年前黃山一定比而家更靚更原始
舉報回覆
No.4

1874飛飛於2014-10-23 09:45:27 留言
佢地除咗坐位就係放行李, 因一般平民沒錢做托運, 要自己帶過去, 就算唔去迫也不能延後慢慢上, 否則就沒位放東西。你介紹的旅舍很好
舉報回覆
No.5

平凡人於2014-10-24 09:49:23 留言
原文由 1874飛飛於 2014-10-23 09:45:27 發表
佢地除咗坐位就係放行李, 因一般平民沒錢做托運, 要自己帶過去, 就算唔去迫也不能延後慢慢上, 否則就沒位放東西。你介紹的旅舍很好

今次知錯啦，第日會迫上去先呢間旅舍環境靚，地點好方便架
舉報回覆
No.6