每一種做法出黎0既效果, 都有不同之處, 亦有唔同感受,
你問我邊種好食d, 我都唔知點選擇, 無論湯種, 老種,
中種, 做出黎都各有千秋, 只係你食落去比較喜歡那種
多些, 每種做法都好軟熟, 湯種我比較係最鍾意, 湯種
0既軟係比較濕潤, 老種0既軟係乾身0既軟, 中種0既軟熟
係覺得組織好密而濕潤, 液種係好軟好軟, 佢0既感
覺又完全唔同以上嗰d ! 真係好得意啊 !
液種我先室溫1.5小時, 再放入雪櫃16小時才用 !
麵糰分割兩個, 靜止15分鐘後, 按平卷好放入模中發酵 !
我其實都發到10成, 我覺得咁樣靚仔D , 嘻嘻 !
鮮奶吐司 - 冷藏液種法
液種
水 75g
高筋粉 75g
速發酵母 0.3g
做法
將材料輕手混合攪拌均勻, 放入保鮮盒,
室溫1 - 2小時均可, 放入雪櫃16 - 24小時內用.
主麵糰
高筋粉 210g
糖 54g
鹽 3g
速發酵母 3g
鮮奶 115g (先放3分2, 逐少放,夏天可能放少d )
奶粉 12g
液種 140g
無鹽奶油 28g
做法 :
1. 鮮奶加熱30-35度左右, 加入酵母, 待5分鐘.
2. 將所有材料和鮮奶及液種拌勻, 牛油除外.
3. 搓揉後加入牛油, 搓好滾圓, 放入盆中發酵至2倍大.
4. 取出分割成2個麵糰, 靜止15分鐘, 麵糰休息.
5. 將麵糰搓揉排氣, 麵糰卷好放入吐司模中, 待發酵至
吐司模的9成滿.
6. 預熱焗爐180度10分鐘放入吐司, 吐司入爐前噴水,
焗30-35分鐘, 20分鐘時看看顏色會否過深, 如顏色
夠的話可以在上層加焗盆, 以免焗燶!
請大家多多支持讚好吖!
